مەرەيتويلىق ءماندى باسقوسۋ

ەلىمىزدە الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ تۋرالى باستاماسى الەمدىك قوعامداستىقتا ۇلكەن قىزىعۋشىلىق تۋدىردى. بۇل يدەياعا رەسەي, اقش, انگليا, فرانتسيا, مىسىر سياقتى الپاۋىت ەلدەردىڭ باسشىلارى, بە­دەلدى ساياساتكەرلەر جانە كوپتەگەن ءدىني كونفەسسيا ليدەرلەرى قولداۋ ءبىلدىردى. سەزدىڭ ۇلكەن جەتىستىگى قازاق­ستان بۇكىل الەم الدىندا شىنايى قوعامدىق جانە دىنارالىق كەلىسىم مەن بىرلىككە قول جەتكىزگەن ەل رەتىندە ءوزىن كورسەتتى.

2003 جىلدان 2022 جىلعا دەيىن استانادا وتكەن الەمدىك جانە ءداستۇرلى دىندەر كوشباسشىلارىنىڭ جەتى سەزىنە يسلام, حريستيان, يۋدايزم, بۋدديزم, سينتويزم, داوسيزم جانە باسقا دا ءداستۇرلى دىندەردىڭ باسشىلارى مەن ءدىن وكىلدەرى قاتىستى. پرەزيدەنت قاسىم-جومارت توقاەۆ ايتىپ كەتكەندەي: «بۇل ءبىز­دىڭ باعا جەتپەس بايلىعىمىز جانە اجىراماس ارتىقشىلىعىمىز دەپ سانايمىز. سەزدى وتكىزۋ ءبىزدىڭ ەلى­مىزدە دە, بۇكىل الەمدە دە ديالوگ پەن ىنتى­ماقتاستىقتى نىعايتۋعا با­عىتتالعان قازاقستان ساياساتىنىڭ ماڭىزدى بولىگى بولىپ تابىلادى. قازىرگى كۇردەلى كەزەڭدە ءدىني ليدەرلەر ءبىر ۇستەلدە وتىرىپ, بارلىق الەمگە كەز كەلگەن كەلىسپەۋشىلىكتەردى جە­ڭەتىن ىزگى نيەتتىڭ ۇلگىسىن كورسەتۋى وتە ماڭىزدى». دىنارالىق ديالوگ جانە ورتاق باعدارلاردى ىزدەۋ كون­­­­تەكسىندەگى بارلىق تۇجىرىم­دا­مالىق يدەيالار ءبىرىنشى كونگرەستە قابىلداندى.

بيىل قازان ايىندا الەمدىك جانە ءداستۇرلى دىندەر ليدەرلەرى سەزىنىڭ 20 جىلدىعى اتاپ وتىلمەك. پارلامەنت سەناتىنىڭ توراعاسى م.اشىمباەۆتىڭ جەتەكشىلىگىمەن سەزد حاتشىلىعىنىڭ XXI مەرەي­تويلىق وتىرىسى وتەدى. حات­شى­لىق دىندەر, مادەنيەتتەر پەن وركە­نيەتتەردىڭ اراسىنداعى ديالوگتى دامىتۋعا باعىتتالعان. بۇل مەرەيتوي ارقىلى ەلىمىز تولەرانتتىلىقتى, دىنارالىق ديالوگ پەن بەيبىتشىلىكتى نەگىزگى نىسانعا الا وتىرىپ, ەل ورداسى استانا قالاسىنا كەلەتىن بارلىق ءدىن وكىلدەرىن قۋانا قارسى الماق.

ەسەت بايكەن,

استانا قالاسى اكىمىنىڭ ورىنباسارى