قازاقستاندا جىل سايىن 20 مىڭنان استام بالا شالا تۋىلادى. ايى-كۇنى جەتپەي تۋعان نارەستەلەردىڭ سالماعى از, دەنەسى جۇدىرىقتاي عانا, تەرىسى اسا نازىك ەكەندىگىن ەسكەرسەك, بۇل سابيلەرگە ەرەكشە دارىگەرلىك باقىلاۋ مەن مەديتسينالىق پروتسەدۋرالار عانا ەمەس, كۇندەلىكتى ەرەكشە كۇتىم دە قاجەت, دەپ حابارلايدى Egemen.kz.
وسى ماسەلەگە وراي Pampers قازاقستانداعى قىزىل جارتى ايمەن بىرلەسە وتىرىپ, مەرزىمىنەن ەرتە تۋعان سابيلەردى قولداۋ ماقساتىندا «ەڭ كىشكەنتايلارعا ۇلكەن قامقورلىق!» قايىرىمدىلىق باعدارلاماسىن ىسكە قوستى. وسى باستامانىڭ ارقاسىندا شالا تۋعان سابيلەرگە ارنالعان ارنايى جورگەكتەر قازاقستاننىڭ التى ءىرى پەريناتالدىق ورتالىقتارى مەن بالالار اۋرۋحانالارىنا تەگىن بەرىلەدى, سونداي-اق وسى پامپەرستەردى ساتۋدان تۇسكەن قاراجات شالا تۋعان بالالاردى وڭالتۋعا اۋدارىلادى.
زەرتتەۋلەرگە سايكەس, جاڭا تۋعان نارەستەلەرگە ارنالعان قارقىندى تەراپيا بولىمشەلەرىندەگى مەدبيكەلەردىڭ 99%-ى ادەتتەگى جورگەكتەر دەنە سالماعى وتە تومەن سابيلەرگە جارامايتىندىعىن ايتادى. بۇل نارەستەلەردىڭ تەرىسى وتە سەزىمتال بولعاندىقتان, وسى سابيلەرگە ارنالعان جورگەكتەردىڭ ولشەمىمەن بىرگە ىلعالدى سىرتقا اعىزباي, لەزدە ءسىڭىرىپ الاتىن ماتەريالدىڭ وتە جۇقا ءارى بارىنشا جۇمساق بولۋى وتە ماڭىزدى.
سالماعى 800 گرامنان دا از, ءۇش ولشەمدەگى شاقالاقتارعا وسىنداي جورگەكتەردى جاساۋ ءۇشىن Pampers Preemie Protection ءبىراز جۇمىس اتقارعان. تيتتەي جورگەكتەر تالاي زەرتتەۋلەر مەن قارقىندى تەراپيا بولىمشەسىنىڭ پەدياترلارى, مەدبيكەلەرىمەن تىعىز بايلانىستا جۇمىس ىستەۋدىڭ ناتيجەسى پايدا بولعان.
«شالا تۋىلعان نارەستەلەر ءۇشىن اناسىنىڭ قۇرساعىنان تىس ومىرگە بەيىمدەلۋ مەرزىمى ۇزاعىراق ءارى قيىن بولعاندىقتان, ولار ءۇشىن ءومىردىڭ العاشقى اپتالارىندا ەرەكشە كۇتىم جاساۋ كەرەك. بىزدە وسى باعدارلامانىڭ ارقاسىندا ايى-كۇنى جەتپەي تۋىلعان بالالارعا كوبىرەك كوڭىل بولۋگە جانە قامقورلىق جاساۋعا مۇمكىندىك پايدا بولعانىنا وتە ريزامىز», دەيدى پەريناتولوگيا جانە بالالار كارديوحيرۋرگياسى ورتالىعىنىڭ نەوناتولوگياداعى مەديتسينالىق قىزمەتتەر ساپاسىن باقىلاۋ ءبولىمىنىڭ باسشىسى ءلاززات وڭالباەۆا.
وسى قيىن كەزەڭدە اتا-انالارعا دا قولداۋ كورسەتۋ ماڭىزدى. مۇنداي جاعدايدى وتكەرگەن باسقا اتا-انالاردىڭ تاجىريبەسى, ساتىمەن وڭالعان سابيلەردىڭ وقيعاسى – ءتيىستى قامقورلىق تانىتۋدا اكە-شەشەلەرگە دەم بەرەدى.
وسى ورايدا شالا تۋىلعان نارەستەلەردىڭ اتا-انالارىنا قولداۋ كورسەتۋ ءۇشىن التى بالانىڭ اناسى, تانىمال ىسكەر حانىم ءارى قوعام قايراتكەرى ۆيكتوريا مومىنباەۆا ءوز تاجىريبەسىمەن بولىسە كەلە: «اياعىم اۋىر بولعان كەزدەر – مەن ءۇشىن سايابىر تاباتىن ۋاقىت. بۇل كەزدە مەن اسىقپاي, تىنىشتالىپ, كوپ جاتامىن. بۇل رەجيم ماعان وتە قاجەت. التى بالا تاپسام, جۇكتىلىگىمنىڭ بارلىعى دەرلىك وتە قيىن بولدى, ولاردى ساقتاۋ ءۇشىن تالاي رەت اۋرۋحانادا جاتۋعا تۋرا كەلدى. ءۇشىنشى ۇلىم مەرزىمىنەن بۇرىن تۋىلىپ, جيىرما كۇن بويى پەرزەنتحانادا جاتتى. ءسۇتىمدى ساۋىپ, دارىگەرلەر ونى بالانىڭ اسقازانىنا گرامداپ ەنگىزگەن بولاتىن. بۇل ءبىزدىڭ وتباسىمىز ءۇشىن وتە قيىن كەزەڭ ەدى. اسىرەسە شالا تۋعان سابيلەرگە اتا-انالاردىڭ ودان دا كوپ كۇتىمى مەن نازارى قاجەت. مەن وسى قايىرىمدىلىق باعدارلاماسىنا قوسىلعانىما قۋانىشتىمىن. بۇل قولداۋ بالالارعا وتە قاجەت», دەيدى.