بوكس تاريحىندا العاش رەت الەمنىڭ ەكى ءابسوليۋتتى چەمپيونى اراسىندا وتكەن جەكپە-جەكتە مەكسيكالىق ساۋل الۆارەس امەريكا وكىلى دجەرمەلل چارلونى جەڭىپ, الەمنىڭ ءابسوليۋتتى چەمپيونى اتاعىن ءۇشىنشى رەت قورعاپ قالدى. بۇل تۋرالى «سپورت شرەدينگەرا» Telegram-ارناسىنان ءمالىم بولدى, دەپ جازادى Egemen.kz.
ەسكە سالايىق, لاس-ۆەگاستا (اقش) وتكەن «الۆارەس-چارلو» ايقاسى وتەتىن كەشتە قازاقستاننىڭ ەكى بوكسشىسى رينگكە شىعاتىنىن حابارلاعانبىز. ناتيجەلەرى بەلگىلى بولدى.
الەمنىڭ ءابسوليۋتتى چەمپيوندارى ايقاسقان كەشتە رينگكە شىققان قازاقستان بوكسشىلارى بەك نۇرماعانبەت (10-0, 8كو) نيگەريالىق ابيمبولا وسۋندايرونى (5-0, 3كو) نوكاۋتقا جىبەرىپ, جەڭىسكە جەتتى. ال ءابىلحان امانقۇلدىڭ (4-0-1, 4KO) امەريكالىق دجوشون دجەيمسپەن (7-0-2, 4كو) جۇدىرىقتاسۋى تەڭ ۇپايمەن اياقتالدى.