قىتايدىڭ حانچجوۋ قالاسىندا ءوتىپ جاتقان جازعى XIX ازيا ويىندارىندا 29 قىركۇيەك كۇنى قازاقستان كومانداسى ءبىر كۇمىس جانە ءۇش قولا مەدالدى قاڭجىعالارىنا بوكتەردى, دەپ حابارلايدى Egemen.kz.
سەمسەرلەسۋدەن ساپىندا رۋسلان قۇربانوۆ, ەلمير ءالىمجانوۆ, ەرلىك سەرتاي, ۆاديم شارلايموۆ بار قازاقستان ەرلەر قۇراماسى ازيادانىڭ كۇمىس مەدالىن جەڭىپ الدى.
ۆەلوترەكتەن قازاقستان ەرلەر قۇراماسى (راميس دىنمۇحامەدوۆ پەن ارتەم زاحاروۆ) مەديسون باعدارلاماسىنىڭ فينالىندا 37 ۇپاي جيناپ, 3-ءشى ورىنعا يە بولدى.
ترياتلوننان 1: 52: 25 ۋاقىت ارالىعىندا ءۇش كەزەڭنەن وتكەن ايان بەيسەنباەۆ قولا مەدال جەڭىپ الدى.
جەڭىل اتلەتيكادان ەلىمىزدىڭ قورجىنىنا العاشقى جۇلدەنى كارولين چەپكوەچ كيپكيرۋي سالدى, ول 10 شاقىرىمدىق جارىستا ءۇشىنشى كەلدى.
شاحماتتان قىزدار قۇراماسى ءبىرىنشى تۋردا ءباا كومانداسىن 4:0 ەسەبىمەن جەڭدى, ەرلەر قۇراماسى تايلاندتان 3,5:0,5 ەسەبىمەن وزىق شىقتى.
سۋ دوبىنان قازاقستان قىزدار قۇراماسى ازياداداعى 4-ءشى ماتچتا تايلاند كومانداسىن 13:8 ەسەبىمەن ۇتتى.
حوككەيدەن قازاقستاننىڭ قىزدار كومانداسى يندونەزيادان كەلگەن قارسىلاستارىن 2:1 ەسەبىمەن جەڭدى.
بوكستان 92 كەلىگە دەيىنگى سالماقتا ونەر كورسەتكەن ساعىندىق توعايباي يراننان كەلگەن قارسىلاسىن مەرزىمىنەن بۇرىن جەڭىپ, ازيا ويىندارىنىڭ جارتىلاي فينالىنا شىقتى. ال كارينا يبراگيموۆا (57 كگ) سولتۇستىك كورەيادان كەلگەن سپورتشىدان باسىم ءتۇسىپ, جەڭىسكە جەتتى.
6-شى جارىس كۇنىنىڭ قورىتىندىسى بويىنشا قازاقستان قۇراماسىنىڭ قورجىنىندا جالپى 3 التىن, 4 كۇمىس جانە 19 قولا جۇلدە بار.