باعىتى ايقىن بەتبۇرىس

جولداۋدان ءاربىر ادامنىڭ كوكەيىندە جۇرگەن ماسەلەلەردى قامتىعان, مەملەكەتتىڭ دامۋى مەن حالقىمىزدىڭ ومىرىنە اسەر ەتەتىن ءبىرشاما جاڭا­شىل­دىقتى سەزىندىك. ويتكەنى مەملەكەت باسشىسى ەل دامۋىنداعى بارلىق ماڭىزدى دەگەن ماسەلەلەردى اتاپ ايتىپ, شەشۋ جولدارىن دا ۇسىن­دى. پرەزيدەنت جولداۋدا ەڭ تومەنگى اي­لىق­تىڭ 85 مىڭ تەڭگەگە وسەتىنىن حابارلاپ, ازىق-ت ۇلىك باعاسىن ەرەكشە قاداعالاۋدى تاپسىردى. بۇل – حالىقتىڭ الەۋمەتتىك جاعدايىن جاقسارتۋعا جاسالعان ماڭىز­دى قادامداردىڭ ءبىرى.

دەنى ساۋ, ءبىلىمدى ۇرپاق – مەملەكەتتىڭ قازىناسى مەن جارقىن كەلەشەگىنىڭ كەپىلى. «جايلى مەكتەپ» سەكىلدى يگى باعدارلامالار ەلدىڭ بولاشاعىنا زور ۇلەس قوساتىن, مىقتى ءارى ءبىلىمدى جاستاردى دايارلايتىن ورتا بولاتىنىنا سەنىمدىمىن. بۇل – بولاشاعىمىزدىڭ جارقىن كەپىلى. سوندىقتان دا بۇقارالىق سپورت پەن عىلىمدى دامىتۋ تۋرالى ويلارى دا حالىقتىڭ كوڭىلىنەن شىعاتىنىنا سەنىم مول.

سونىمەن قاتار پرەزيدەنت ەل ازاماتتارىن, اتاپ ايتقاندا, جاستاردى وتانىمىزدىڭ الدىندا ادال قىزمەت ەتۋگە, ابىرويلى ءىس جاساۋعا, توعىشارلىقتان ارىلىپ, ەرىنبەي ەڭبەك ەتۋگە شاقىردى.

اللابەرگەن قونارباەۆ,

ماڭعىستاۋ وبلىستىق

ءماسليحاتىنىڭ دەپۋتاتى