كەزدەسۋ بارىسىندا مەملەكەت باسشىسى ەكى ەل اراسىندا ءوزارا قولداۋعا جانە مازمۇندى ساياسي ديالوگقا نەگىزدەلگەن بەرىك سەرىكتەستىك قاتىناس ورناعانىن اتاپ ءوتتى, دەپ حابارلايدى Egemen.kz اقورداعا سىلتەمە جاساپ.
قازاقستان پرەزيدەنتى ساۋدا جانە ينۆەستيتسيالىق بايلانىستاردى ودان ءارى جانداندىرا ءتۇسۋ ءۇشىن ۇكىمەتتەر دەڭگەيىندە پارمەندى شارالار قابىلداۋ قاجەت ەكەنىنە توقتالدى.
سونىمەن قاتار قاسىم-جومارت توقاەۆ ۆيزا رەجيمىنە قاتىستى شارتتاردى جەڭىلدەتۋ جانە ەكى ەل اراسىندا تىكەلەي ءارى تۇراقتى اۋە رەيستەرىن اشۋ ماڭىزدى ەكەنىنە نازار اۋداردى.
تاراپتار حالىقارالىق ۇيىمدار اياسىندا, اتاپ ايتقاندا بۇۇ دەڭگەيىندە ءوزارا ىقپالداستىقتىڭ ماڭىزدى اسپەكتىلەرىن تالقىلادى.
مەملەكەت باسشىسى شري-لانكا پرەزيدەنتىن بيىل وتەتىن استانا حالىقارالىق فورۋمىنا قاتىسۋعا شاقىردى.