گەرمانياعا رەسمي ساپارمەن كەلگەن قازاقستان پرەزيدەنتى فەدەرالدىق كانتسلەر ولاف شولتسپەن بەتپە-بەت فورماتىندا كەلىسسوز جۇرگىزدى, دەپ حابارلايدى Egemen.kz اقورداعا سىلتەمە جاساپ.
كەلىسسوز بارىسىندا تاراپتار ەكىجاقتى قاتىناستاردىڭ قارقىندى دامىپ كەلە جاتقانىن اتاپ ءوتىپ, قازاق-گەرمان بايلانىستارىن ودان ءارى كەشەندى تۇردە نىعايتۋعا ءوزارا مۇددەلى ەكەنىن راستادى.
ەكى ەل باسشىلارى ىنتىماقتاستىقتىڭ نەگىزگى باعىتتارىن ايقىنداپ, ساۋدا-ەكونوميكا, ينۆەستيتسيا, كولىك-لوگيستيكا, «جاسىل ەنەرگەتيكا» جانە باسقا دا سالالارداعى ىقپالداستىقتى جانداندىرۋعا ۋاعدالاستى.
پرەزيدەنت پەن كانتسلەر وڭىرلىك جانە حالىقارالىق وزەكتى ماسەلەلەر جونىندە پىكىر الماستى, سونداي-اق جوعارى دەڭگەيدە وتەتىن «ورتالىق ازيا – گەرمانيا» كەزدەسۋىنىڭ كۇن ءتارتىبىن تالقىلادى.