بۇگىن – قازاق ادەبيەتىنىڭ كەربۇعىسى اتانعان قابىرعالى قالامگەر ورالحان بوكەيدىڭ تۋعان كۇنى. امان جۇرگەندە قالىڭ ەلىنىڭ ايالى الاقانىندا مەرەيلى 80 جاسىن قارسى الاتىن ەدى...
جازۋشى, دراماتۋرگ ورالحان بوكەي 1943 جىلدىڭ 28 قىركۇيەگىندە شىعىس قازاقستان وبلىسى, كاتونقاراعاي اۋدانى, شىڭعىستاي اۋىلىندا دۇنيەگە كەلدى. 1968 جىلى الماتى قالاسىنا قونىس اۋدارىپ, 1993 جىلى ءۇندىستاندا ساپاردا ءجۇرىپ, كەنەتتەن قايتىس بولدى.
قازمۋ-دى 1969 جىلى ءبىتىردى. شىعىس قازاقستان وبلىسىنىڭ ۇلكەن نارىن (بولشەنارىم) اۋدانىندا «ەڭبەك تۋى» گازەتىندە كوررەكتور, اۋدارماشى, رەداكتوردىڭ ورىنباسارى, شىعىس قازاقستان وبلىسى «كوممۋنيزم تۋى» (قازىرگى «ديدار» گازەتىندە) ادەبي قىزمەتكەر, كەيىن «لەنينشىل جاس» (قازىرگى «جاس الاش») گازەتىندە, «جۇلدىز» جۋرنالىندا ء بولىم مەڭگەرۋشىسى, «قازاق ادەبيەتى» گازەتىندە باس رەداكتوردىڭ ورىنباسارى, باس رەداكتورى قىزمەتىن اتقاردى.
«مەنىڭ پوۆەستەرىمدەگى, اڭگىمەلەرىمدەگى بارلىق سيۋجەتتەر تۋعان جەر تۋرالى ەستەلىكتەر, جاستىق شاقتاعى بولعان وقيعالارمەن بايلانىستى. مەنىڭ جەرلەستەرىم قازاقتار – مىنەزدەرى ءبىر قالىپتى, ادال جانە جۇرەكتەرى اشىق ادامدار. ايتەۋىر, نە جازسام دا ءوز زامانىمدى, سول زاماندا تابان ەت, ماڭداي تەرىن جۇمساپ جۇرگەن قاراپايىم ەڭبەك ادامدارىن تىلگە تيەك ەتۋگە تىرىستىم», دەگەن و. بوكەي بالا كۇنىنەن جازۋشى بولۋدى ارمانداپ, قاتونقاراعايدىڭ كورىكتى مەكەن, تۇمسا تابيعاتقا كەندە ەمەس ەكەنىن سوزبەن سۋرەتتەدى.
«ۇركەر» (1971 ج.), «قايداسىڭ قاسقا ق ۇلىنىم» (1973 ج.), «مۇزتاۋ» (1975 ج.). جازۋشىنىڭ ورىس تىلىنە اۋدارىلعان اڭگىمە-پوۆەستەرىنىڭ جيناعى: «جاسىننىڭ ءىزى» – «سلەد مولني» (1978 ج.), ء«ان سالادى شاعىلدار» – «پويۋششيە بارحانى» (1981 ج.), «سايتان كوپىر» – «كريك» (1984 ج.), «زىمىرايدى پوەزدار» – «پوەزدا پروحوديات ميمو» (1985 ج.), «كىسىكيىك» – «چەلوۆەك – ولەن» (1987 ج.) كىتاپتارى جارىق كوردى.
قالامگەردىڭ ەڭبەكتەرى الەمنىڭ بىرنەشە تىلىنە اۋدارىلىپ جاريالاندى.
«ق ۇلىنىم مەنىڭ» پەساسى ءۇشىن 1976 جىلى قازاقستان رەسپۋبليكاسى جاستار سىيلىعىنىڭ لاۋرەاتى اتاندى. 1978 جىلى «نايزاعاي ءىزى» پوۆەستەرى مەن اڭگىمەلەرى ءۇشىن ن. وستروۆسكي اتىنداعى بۇكىلوداقتىق ادەبي سىيلىقتى الدى. 1986 جىلى 43 جاسىندا ء«بىزدىڭ جاقتا قىس ۇزاق» پوۆەستەرى مەن اڭگىمەلەرى ءۇشىن اباي اتىنداعى قازاقستان رەسپۋبليكاسىنىڭ مەملەكەتتىك سىيلىعى بەرىلدى.
ۇندىستانعا ساپارمەن بارعان جازۋشىنىڭ جۇرەگى دەلي قالاسىنداعى قوناقۇيدە 1993 جىلدىڭ 17 مامىرىندا سوعۋىن توقتاتتى.