سولتۇستىك قازاقستان وبلىسى توتەنشە جاعدايلار دەپارتامەنتىنىڭ مالىمەتىنشە, 25 قىركۇيەكتە ساعات 21:35-تە پەتروپاۆلدا ۆولوچاەۆسكايا كوشەسى, 113 مەكەنجايى بويىنشا ءورت سوندىرۋشىلەرگە حابار تۇسكەن, دەپ جازادى Egemen.kz.
وقيعا ورنىنا ءورت سوندىرۋشىلەر بەس مينۋتتا جەتكەن. ورتەنگەن اعاش ۇيدەن 20-داعى بويجەتكەن مەن 5 جانە 1 جاستاعى بالالاردىڭ ءمايىتى تابىلعان.
19 شارشى مەتر اۋماقتى شارپىعان ءورتتى سوندىرۋگە 15 ادام مەن 3 تەحنيكا جۇمىلدىرىلعان.
وقيعا ورنىنا وبلىس اكىمى عاۋەز نۇرمۇحامبەتوۆ, سقو تجد باستىعى ەرىك سارىباەۆ, سقو پد باستىعى ايدىن قابدۇلدينوۆ باردى.
قازا تاپقانداردىڭ وتباسىنا جاردەم جاسالادى. ءورتتىڭ شىعۋ سەبەبىن ماماندار انىقتاپ جاتىر.