دزيۋدوشى ءابيبا ابۋجاقىنوۆا (48 كگ دەيىنگى سالماق) قىتايدىڭ حانچجوۋ قالاسىندا ءوتىپ جاتقان ءحىح جازعى ازيا ويىندارىنىڭ فينالىنا شىقتى, دەپ حابارلايدى Egemen.kz سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
وتانداسىمىز جارتىلاي فينالدا وڭتۇستىك كورەيالىق لي حەك ەنگتى جەڭدى. ءسال ەرتەرەكتە ءابيبا العاشقى بەلدەسۋىندە فيليپپين سپورتشىسىن ۆازاري ادىسىمەن, ودان كەيىن سولتۇستىك كورەيا پالۋانىن ۇتقان.
ەرلەر اراسىندا ماعجان شامشادين (60 كگ) جارتىلاي فينالدا وڭتۇستىك كورەيالىق لي حاريمگە (2023 جىلعى الەم چەمپيوناتىنىڭ قولا جۇلدەگەرى) ەسە جىبەردى. ەندى ول قولا مەدال ءۇشىن كۇرەسەتىن پالۋاندى كۇتەدى.
سونىمەن قاتار ساعات 16:00-دە تاعى ءبىر وتانداسىمىز عاليا تىنباەۆا (52 كگ) قولا مەدال ءۇشىن تالاسادى. عاليا شيرەك فينالدا موڭعوليا دزيۋدوشىسىنا ەسە جىبەرگەنىمەن, جۇبانىش بەلدسۋىندە احليا مۋمينوۆادان (تاجىكستان) ايلاسىن اسىردى.
ال ۇلتتىق قۇراما سپورتشىسى عۇسمان قىرعىزباەۆ 1/8 اينالىمدا ليۆان پالۋانىن جەڭگەن. الايدا كەلەسى كەزدەسۋدە تاجىكستان سپورتشىسىنىڭ مىقتى ەكەنىن مويىندادى.