پرەزيدەنت نيۋ-يورك قالاسىنا ساپارىندا بۇۇ باس اسسامبلەياسىنىڭ 78-سەسسياسى اياسىندا وتكەن جالپى دەباتقا قاتىستى. مەملەكەت باسشىسى ءوز سوزىندە حالىقارالىق قۇقىقتىق قۇجاتتاردىڭ ءتارتىبىن ساقتاماۋ, توقتاتىپ قويۋ جانە ونى تارك ەتۋ تاجىريبەسى وتە الاڭداتارلىق جاعداي ەكەنىن ايتتى. بۇل رەتتە يادرولىق قارۋدان باس تارتۋدان باستاپ حالىقارالىق قىلمىستىق سوت تورەلىگىنە دەيىنگى قۇجاتتار تۋرالى ءسوز ەتۋگە بولادى. بۇل دامۋشى دەرجاۆالار ءۇشىن عانا ەمەس, باتىس الەمىنىڭ كوشباسشىلارى ءۇشىن دە الاڭداتارلىق جاعداي.
قاسىم-جومارت توقاەۆ قاۋىپسىزدىك كەڭەسىنە جان-جاقتى رەفورما جاسالماي, قيىندىقتار ەڭسەرىلمەيتىنىن مالىمدەدى. كەڭەستە «ورتا دەرجاۆالاردىڭ» جانە بارلىق دامۋشى ەلدەردىڭ ءۇنى كۇشەيەتىنىنە, انىق ەستىلەتىنىنە كامىل سەنەتىنىن ايتتى.
ۆەتو قۇقىعىنا يە اقش, رەسەي فەدەراتسياسى, قحر, ۇلىبريتانيا, فرانتسيا ەلدەرى وزدەرىنىڭ جانە وداقتاستارىنىڭ مۇددەلەرىنە ساي قاۋىپسىزدىك كەڭەسىنىڭ جۇمىسىنا ءجيى توقتام سالادى.
رەفورما قاۋىپسىزدىك كەڭەسىنە مۇشە مەملەكەتتەردىڭ سانىن ارتتىرۋعا, ۆەتو قۇقىعىنىڭ جويىلۋىنا نەمەسە ونى ەڭسەرۋ مۇمكىندىگىن ەسەلەۋگە مۇمكىندىك بەرەدى.
عازيز ابىشەۆ,
ساياساتتانۋشى