پرەزيدەنت قاسىم-جومارت توقاەۆ اقش-تىڭ نيۋ-يورك قالاسىنداعى جۇمىس ساپارى اياسىندا پورتۋگاليا پرەزيدەنتى مارسەلۋ رەبەلۋ دە سوۋزامەن كەلىسسوز جۇرگىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەكى ەلدىڭ پرەزيدەنتى كەلىسسوز بارىسىندا مەملەكەتتەر اراسىنداعى ىنتىماقتاستىق پەن دوستىق قارىم-قاتىناستى ءوزارا ءتيىمدى بايلانىس نىعايتاتىنىن ايتتى.
ەكى ەلدىڭ باسشىلارى ينۆەستيتسيا, سۋ رەسۋرستارىن باسقارۋ, تۋريزم جانە باسقا دا سالالارداعى جان-جاقتى قاتىناستاردى ودان ءارى ارتتىرۋ ءۇشىن زور مۇمكىندىك بار ەكەنىن باعامدادى. تسيفرلاندىرۋ سالاسىنداعى ءوزارا ءىس-قيمىلدى نىعايتۋ ماسەلەلەرىنە ەرەكشە نازار اۋدارىلدى.
ء«سىزدىڭ ەلدىڭ IT سالاسىنداعى تاجىريبەسى مول. وسى باعىتتىڭ بولاشاعى زور ەكەنىن ەسكەرە وتىرىپ, مەن ليسسابونعا بىرلەسكەن جوبالاردى ىسكە اسىرۋ مۇمكىندىگىن زەردەلەۋ ءۇشىن ارنايى دەلەگاتسيا جىبەرەمىن. قازاقستان پورتۋگاليالىق سەرىكتەستەرمەن تىعىز بايلانىس ورناتۋعا مۇددەلى», دەدى ق.توقاەۆ.
كەلىسسوز بارىسىندا الەمدى تولعاندىرىپ وتىرعان وزەكتى ماسەلەلەر دە تالقىعا سالىندى.
«جاھاندىق ۇيىمدار اياسىندا, ەڭ الدىمەن, بۇۇ شەڭبەرىندە ءوزارا ءىس-قيمىلدى جالعاستىرۋ تۋرالى ۋاعدالاستىققا قول جەتكىزىلدى», دەپ جازىلعان حابارلامادا.