ورتالىق كوممۋنيكاتسيالار قىزمەتىنىڭ الاڭىندا وتكەن كيىكتەرگە قاتىستى ساراپتامالىق تالقىلاۋدا ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ ورىنباسارى اندرەي كيم كيىكتەر پوپۋلياتسياسىن رەتتەۋ تۋرالى ءوز پىكىرىن ايتتى, دەپ حابارلايدى Egemen.kz وكق سايتىنا سىلتەمە جاساپ.
سپيكەردىڭ پىكىرىنشە, كيىكتەردى اۋلاۋعا بايلانىستى ماسەلەلەر جويىلىپ كەتكەن ينفراقۇرىلىمدى قالپىنا كەلتىرۋدى, ياعني, اتاپ ايتقاندا, ەت پەن تەرى وڭدەۋدى جولعا قويۋدى قاجەت ەتەدى. كيىكتەردىڭ مۇيىزىنە كەلەتىن بولساق, حالىقارالىق كونۆەنتسياعا سايكەس ولاردى كوممەرتسيالىق ساتۋعا تىيىم سالىنعاندىقتان, ولاردى الىپ, وحوتزووپرومدا ساقتاۋ كەرەك.
«عالىمدار كوكتەمگى ەسەپ بويىنشا كيىك باسىنىڭ 20%-نا دەيىن, ياعني 1 ملن 915 مىڭ داراقتى اۋلاۋدى ۇسىنعان. بىراق بۇل كورسەتكىش ءالى بەكىتىلگەن جوق. ەڭ باستىسى, تابيعاتقا زيان كەلتىرمەۋ, ەشقاشان بەلگىلى ءبىر كيىك سانىنىڭ باسىن قىسقارتپاۋ كەرەك. اۋلاۋ ەل ەكونوميكاسىنا, پوپۋلياتسيانى رەتتەۋ ماقساتتارىنا جۇمىس ىستەۋگە ءتيىس. تۇسكەن قاراجاتتىڭ ءبىر بولىگى فەرمەرلەرگە ەگىننىڭ تاپتالۋىنان كەلتىرىلگەن زالالدى وتەۋگە جۇمسالادى», دەيدى ا.كيم.
سونداي-اق كيىكتەردى قولعا ۇيرەتۋ تۋرالى سۇراققا جاۋاپ بەرگەن ا.كيم جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى بىرنەشە جىلدان بەرى وسى باعىتتا جۇمىس ىستەپ كەلە جاتقانىن راستادى.