قۇرلىقتىق حوككەي ليگاسىنىڭ (قحل) بيىلعى ماۋسىمى باستالعالى بەرى استانانىڭ «بارىسى» قاتارىنان بەس باسەكەدە جەڭىلىس تاۋىپ, ءوز جانكۇيەرلەرىن جەرگە قاراتقان ەدى.
التىنشى كەزدەسۋدى جەرلەستەرىمىز ۆلاديۆوستوكتىڭ «ادميرالىنا» قارسى وتكىزدى. «بارىس ارەناداعى» باسەكەدە ەسەپتى 6 مينۋتتا جوزەف لابەيت اشتى – 1:0. ارادا10 مينۋت وتكەننەن سوڭ قوناقتار تارازى باسىن تەڭەستىردى – 1:1. ۇزىلىستەن كەيىن پاۆەل شەن قيىر شىعىستان كەلگەن كوماندانى العا شىعاردى – 1:2. كوزدى اشىپ-جۇمعانشا دجەرەمي براككو نىسانانى ءدال كوزدەدى – 2:2. ءۇشىنشى كەزەڭ باستالعان بەتتە «ادميرال» قايتا العا شىقتى – 2:3. بىراق «بارىستىڭ» ويىنشىلارى ەش ساسقان جوق. 43 جانە 54-مينۋتتاردا رومان ستارچەنكو قاتارىنان ەكى مارتە مەرگەندىك تانىتىپ, ەلوردالىق كلۋبقا جەڭىس سىيلادى – 4:3. بۇل – «بارىستىڭ» چەمپيوناتتاعى العاشقى جەڭىسى.
قازىرگى كەزدە «بارىس» بەس ۇپايدى ەنشىلەپ, تۇراقتى بىرىنشىلىكتىڭ جارىس كەستەسىندە 18-ورىندى قاناعات تۇتۋدا. بۇگىن جەرلەستەرىمىز ءوز الاڭىندا نيجنەكامسكىنىڭ «نەفتەحيميگىن» قابىلدايدى.