ۇلتتىق تەلەجوبالار تانىستىرىلىمى

«قازاقستان» تەلەراديوكورپوراتسياسى كۇزگى ماۋسىمىن ۇلتتىق جوبالارعا ارنادى. وسى باعىتتا «التىن قاقپا» ۆيكتورينالىق تەلەسايىسى, ءداستۇرلى ءانشى, كۇيشى, جىرشى-تەرمەشىلەردىڭ قاتىسۋىمەن وتەتىن ء«ىنجۋ-مارجان» جوباسى, «مەرگەندەر مەكەنى» تەلەۆي­زيالىق ساداقشىلار سايىسى, قازاق جىرلارىنىڭ تاريحىن بەينەلەپ كور­سەتەتىن «جىر-امانات», ۇلتتىق تاعام تۇرلەرىنە ارنالعان «دالا ءدامى», الاش تاقىرىبىنداعى تەلەدارىستەر توپتاماسىنان تۇراتىن «اشىق اكادەميا» جوبالارى ەفيرگە شىعادى.

– ۇلتتىق ارنا سوڭعى جىلدارى ۇلتتىق بوياۋىن ساقتاي وتىرىپ, قوعام­دىق-ساياسي تەلەارنا رەتىندە قالىپ­تاستى. ساپا, جاڭا زاماناۋي ترەند­تەردى ەنگىزۋ بويىنشا ءبىزدىڭ ۇجىم نارىقتا كوشباسشىعا اينالدى. وسىنىڭ ارقاسىندا اۋديتوريامىز قاتارىنا جاستار كوپتەپ قوسىلدى. سوڭعى دەرەكتەر بويىنشا, ارنانىڭ جاستار اۋديتورياسى 32 پايىز­دى قۇرايدى. ەندى بۇل ساناتتاعى كورەرمەنگە سالت-داستۇرلەرىمىز, ءان-كۇيى­مىز, ءداستۇرلى داستارقانىمىز, جالپى ايت­قاندا, ۇلتتىق قۇندىلىقتارىمىزدى جاڭا تەلەۆيزيالىق ساپادا, جاڭاشا فورماتتا ۇسىنامىز, – دەدى باسقارما ءتورايىمى ءلاززات تانىسباي ءىس-شارانىڭ اشىلۋ سالتاناتىندا.

ء«ىنجۋ-مارجان» باعدارلاماسىندا ەلىمىزدىڭ ءار وڭىرىنەن جينالعان 180 ونەرپازدىڭ ورىنداۋىندا 300-دەن اسا شىعارما جازىلىپ الىندى. «جىر-امانات» جوباسىندا حالىق اۋىز ادە­بيەتىنىڭ باي مۇراسى «ەر قار­مىس», «الپامىس باتىر», «جانتاي باتىر» جانە «باتىر بايان» ەپوستارى كورەر­مەنگە كينوفورماتتا جول تارتادى. «مەرگەندەر مەكەنى» ۇلتتىق رەاليتي جوباسىندا ەلىمىزدىڭ بارلىق ايما­عىنان 2 مىڭنان استام كاسىبي جانە اۋەس­قوي ساداقشى باق سىناپ, جەڭىمپاز دەمەۋشىلەر ەسەبىنەن استانا قالاسىنان پاتەر يەلەندى. «دالا ءدامى» كورەرمەندى ۇمىت بولىپ بارا جاتقان ءداستۇرلى ءدام تۇرلەرىمەن تانىستىرادى.

بۇدان بولەك, «قازاقستان» تەلەراديوكورپوراتسياسى بيىل 11 تەلەحيكايا, ءتۇرلى تاقىرىپتىق باعىتتا 137 دە­رەكتى فيلم, 20 انيماتسيالىق جو­با ءتۇسىردى. تەلەحيكايالار ىشىندە قاز­اق تەلە­ۆيزياسىنىڭ 65 جىلدىعىنا ار­نال­عان «پارىز», حح عاسىردىڭ 30-جىل­­دارىنداعى قازاق مادەنيەتى مەن رۋحا­نيا­تىنىڭ دامۋ ءداۋىرىن سۋرەتتەيتىن «ەر­تە كوكتەم», تۇركى حالىقتارىنا ور­­تاق تۇلعا قورقىت اتانىڭ ومىرىنە ار­­نالعان «قورقىت» تاريحي سەريالدارى بار.

– «قازاقستان» تەلەراديو كورپوراتسياسى تاريحي سەريالدار ءوندىرۋدى, جالپى سەريال نارىعىن دامىتۋدى ءوزىنىڭ ماڭىزدى ميسسياسى رەتىندە جولعا قويدى. تا­ريحي تۋىندىلارىمىز ارقىلى ۇلت تۇلعا­لارىنىڭ ءومىر جولىن دارىپتەپ كەلەمىز. بيىل ەفيرگە شىعاتىن «پا­رىز» سەريالى ۇلتتىق ارنانىڭ نەگىزىن قالاپ, 65 جىلدىق تاريحىندا ەرەكشە قولتاڭباسىن قالدىرعان اعا بۋىن ال­دىنداعى پارىزىمىز, – دەدى ل.تا­نىسباي.

ال 21 قىركۇيەكتەن باستاپ ەلىمىز­دىڭ بارلىق كينوتەاترلارىندا كور­­پو­راتسيانىڭ «مىرجاقىپ. ويان, قا­زاق!» تو­لىقمەتراجدى ءفيلمى پرو­كاتقا شىعادى.

ماۋسىمنىڭ سپورتتىق باستى جا­ڭالىعى – 23 قىركۇيەك پەن 8 قازان ارالىعىندا «Qazaqstan» جانە «Qaz­sport» تەلەارنالارى قىتايدىڭ حانچ­جوۋ قالاسىندا وتەتىن جازعى ازيا ويىن­­دارىن تىكەلەي ەفيردە ۇسىنادى. الەم­دىك باسەكەنىڭ ەل اۋماعىنداعى ترانس­لياتسيالار قۇقىعى تەك «قازاقستان» تەلەراديوكورپوراتسياسىنا تيەسىلى. ال ديد­جيتال باعىتىندا بۇل ماۋسىم­نىڭ باستى وقيعاسى – جاقىن كۇندەرى كورپوراتسيانىڭ «Birge» دەپ اتالاتىن ونلاين كينوتەاترى ىسكە قوسىلادى.