پرەزيدەنت قاسىم-جومارت توقاەۆتىڭ قازاقستان رەسپۋبليكاسى ۇلتتىق وليمپيادا كوميتەتىنىڭ قۇرىلعانىنا 30 جىل تولۋىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قۇرمەتتى ۇلتتىق وليمپيادا كوميتەتىنىڭ ۇجىمى! بارشاڭىزدى قازاقستان رەسپۋبليكاسى ۇلتتىق وليمپيادا كوميتەتىنىڭ قۇرىلعانىنا 30 جىل تولۋىمەن شىن جۇرەكتەن قۇتتىقتايمىن! بۇل – ەلىمىزدە ەرەكشە ورنى بار ۇيىم. سىزدەر وليمپيادا قۇندىلىقتارىن دارىپتەپ, وسكەلەڭ ۇرپاقتى سپورتقا باۋلۋعا جانە حالىقارالىق ۇيىمدارمەن ىنتىماقتاستىقتى نىعايتۋعا زور ۇلەس قوسىپ كەلەسىزدەر. سونىڭ ناتيجەسىندە ورەندەرىمىز تالاي بايراقتى باسەكەدە تابىستى ونەر كورسەتىپ ءجۇر. ولار وليمپيادا ويىندارىنان, الەم بىرىنشىلىكتەرىنەن جانە ازيا چەمپيوناتتارىنان ەل قورجىنىنا جۇزدەگەن جۇلدە سالدى. ساڭلاقتارىمىزدىڭ ەسىمى الەمدىك سپورت جىلناماسىنا التىن ارىپپەن جازىلدى.
ەلىمىز قىسقى ازيا ويىندارىن, بۇكىلالەمدىك ۋنيۆەرسيادانى, الەم جانە قۇرلىق چەمپيوناتتارىن جوعارى دەڭگەيدە وتكىزىپ, جاھان جۇرتشىلىعىنىڭ لايىقتى باعاسىن الدى. مەملەكەت وليمپيادا قوزعالىسىن دامىتۋعا ءاردايىم باسا نازار اۋدارادى. ءبىز حالىقارالىق وليمپيادا كوميتەتىمەن جانە باسقا دا بەدەلدى ۇيىمدارمەن ىقپالداستىقتى نىعايتا بەرەمىز», دەلىنگەن قۇتتىقتاۋدا.
مەملەكەت باسشىسى سپورتشىلارىمىزعا دودالاردا بايراعىمىزدى بيىكتە جەلبىرەتۋگە تىلەۋلەستىك ءبىلدىردى.