پاريجدە وتەتىن وليمپياداعا دايىندىق اياسىندا قازاقستان قۇراما كوماندالارى 80-نەن استام الەمدىك رەيتينگتىك تۋرنيرلەرگە قاتىسادى. ليتسەنزيالاۋ كەزەڭى وليمپيادانىڭ باستالۋىنا ءبىر اي قالعاندا اياقتالادى, دەپ حابارلايدى Egemen.kz.
تۋريزم جانە سپورت مينيسترلىگىنىڭ مالىمەتىنشە, اتالعان جارىستاردىڭ قورىتىندىسى بويىنشا سپورتشىلارىمىز پاريج وليمپياداسىنا 100-گە جۋىق جولداما الۋدى جوسپارلاپ وتىر.
سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆتىڭ ايتۋىنشا, قازاقستان كومانداسىن پاريج وليمپياداسىنا دايىنداۋ ءۇشىن ۆەدومستۆو ۇلتتىق قۇرامانىڭ جۇمىسىن ۇيىمداستىرۋعا ارنالعان جەدەل شتاب قۇرعان, سونداي-اق جازعى سپورت تۇرلەرى بويىنشا سپورتشىلار مەن ەلىمىزدىڭ شتاتتىق قۇراما كوماندالارىن دايارلاۋ جانە ولاردىڭ وليمپيادا – 2024-كە قاتىسۋىن قامتاماسىز ەتۋ جونىندە باعدارلاما بەكىتكەن.