« ۇلى دالا جورىعى» مارافون-بايگەسىنىڭ توعىزىنشى كەزەڭىن قورىتىندىلاعان شاباندوزدار 850 شاقىرىم جولدى ءوندىردى. الدا ءالى 450 شاقىرىم بار, دەپ حابارلايدى Egemen.kz Joryq ات سپورتى فەدەراتسياسىنا سىلتەمە جاساپ.
توعىزىنشى كەزەڭدە الماتى وبلىسىنىڭ كومانداسى كوش باستاپ, مارە سىزىعىن العاشقى بولىپ قيسا, قوستاناي وبلىسىنىڭ جىگىتتەرى ەكىنشى, جەتىسۋ وبلىسىنىڭ شاباندوزدارى ءۇشىنشى جەتتى.
جالپى توعىز كەزەڭنىڭ ۋاقىت قورىتىندىسىندا بىلتىرعى « ۇلى دالا جورىعىنىڭ» جەڭىمپاز كومانداسى - ماڭعىستاۋ وبلىسىنىڭ جىگىتتەرى الدا كەلەدى.
توعىزىنشى كەزەڭدە جامبىل وبلىسىنىڭ كومانداسى جارىستى اياقتاۋعا ءماجبۇر بولدى. ءۇش شاباندوزدىڭ ءبىرى اتىنىڭ اياعىن اقساتىپ العاندىقتان دارىگەرلەر بايگەنى جالعاستىرۋعا رۇقسات ەتپەدى.