پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ مەملەكەت باسشىسىنىڭ مەملەكەتتىك-جەكەشەلىك ارىپتەستىك سالاسىنداعى جەكەلەگەن تاپسىرمالارىن ورىنداۋ بارىسى جونىندە كەڭەس وتكىزدى.
ءمجا سالاسىندا اتقارىلىپ جاتقان جۇمىستار تۋرالى ۇلتتىق ەكونوميكا ۆيتسە-ءمينيسترى باۋىرجان قۇدايبەرگەنوۆ باياندادى. اتاپ ايتقاندا, «جايلى مەكتەپ» ۇلتتىق جوباسى اياسىندا كەمىندە 600 ورىندىق ورتا ءبىلىم بەرۋ ۇيىمدارى نىساندارىن سالۋ بويىنشا جاڭا تەتىكتى ەنگىزۋ ماسەلەسى پىسىقتالىپ جاتىر. وقۋشى ورىندارى ۇلتتىق جوبادا بەكىتىلگەن جوبالاۋ مىندەتتەرىنە ساي بولماق.
ب.قۇدايبەرگەنوۆتىڭ ايتۋىنشا, جوبا وقۋ-اعارتۋ مينيسترلىگى جاساعان تىزىمگە سايكەس ينۆەستور مەن ءبىلىم بەرۋ ۇيىمىنان تۇراتىن كونسورتسيۋم قۇرۋ ارقىلى جۇزەگە اسىرىلماق. وسى ورايدا كونسورتسيۋم م ۇلىكتىڭ مەنشىك ۇلەسىن انىقتايدى.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا بيزنەس-قاۋىمداستىق ءمجا تەتىگى ارقىلى دەنساۋلىق ساقتاۋ نىساندارىن سەنىمگەرلىك باسقارۋعا قابىلداۋعا قىزىعۋشىلىق تانىتىپ وتىر. بۇل تەتىكتى ىسكە اسىرۋ ءۇشىن كاسىپكەرلەردىڭ ايتۋىنشا, دەنساۋلىق ساقتاۋ مينيسترلىگىنە قوسىمشا قارجىلىق قۇرامبولىك ەنگىزۋ قاجەت.
ەسكە سالا كەتەيىك, 2023 جىلعى 19 ساۋىردە مەملەكەت باسشىسىنىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا ءمجا مەن جان باسىنا قارجىلاندىرۋ قۇرالدارى ارقىلى ۇلتتىق جوبالاردى ىسكە اسىرۋعا بيزنەستى بەلسەندى تۇردە تارتۋدى قامتاماسىز ەتۋ, ونىڭ ىشىندە «جايلى مەكتەپ» جانە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوبالارىن ىسكە اسىرۋ تاپسىرىلعان ەدى.