بۇل سۇراققا بوكسشىنىڭ بۇرىنعى باپكەرى ابەل سانچەس جاۋاپ بەردى, دەپ حابارلايدى Egemen.kz.
ابەل سانچەستىڭ ايتۋىنشا, الداعى ايلاردا گەننادي گولوۆكيننىڭ قاسىپقوي رينگكە شىعۋى, اسىرەسە جاس بوكسشىلارمەن جۇدىرىقتاسۋى ەكىتالاي. سانچەس قازاقستاندىق بوكسشىنى ون جىل بويى جاتتىقتىردى, بىراق ولاردىڭ ىنتىماقتاستىعى 2019 جىلى اياقتالدى. سانچەستىڭ ورنىنا مەكسيكالىق باپكەر دجوناتان بەنكس كەلگەن ەدى.
«نەگە GGG-ءدى مۋنگۋيا, بەرلانگا جانە باسقا دا جاس بوكسشىلارعا قارسى شىعارعىسى كەلەدى. بۇل جاقسى ۇسىنىس, بىراق رينگتەن تەيىن گولوۆكيننىڭ قارسىلاسىنان نە قالادى؟ گەنا جاي عانا جۇدىرىقتاسپايدى, ءبىر سوققىمەن قارسىلاسىن جويىپ جىبەرەدى. ونىڭ سوققىلارىنان كەيىن ەس جيناۋ وتە قيىن. ول قىرىقتان اسسا دا مانسابىندا ءبارى جاقسى. نەگە ول قايتىپ كەلىپ, بىرەۋگە مۇمكىندىك بەرەدى, GGG مۇنى ىستەۋگە مىندەتتى ەمەس», دەدى ابەل سانچەس
ەسكە سالا كەتسەك, جاقىندا گەننادي فۋتبولدان قازاقستان قۇراماسىنىڭ سولتۇستىك يرلانديامەن ماتچىندا كومانداعا قولداۋ كورسەتۋ ءۇشىن استانادا ارنايى كەلىپ, ەل پرەزيدەنتى قاسىم-جومارت توقاەۆپەن كەزدەسكەن ەدى.
گەننادي گولوۆكين - 2004 جىلعى وليمپيادانىڭ كۇمىس جۇلدەگەرى. IBO نۇسقاسى بويىنشا قازىرگى الەم چەمپيونى, ورتا سالماقتا WBC, IBF, WBA جانە The Ring تۇجىرىمدارى بويىنشا بۇرىنعى الەم چەمپيونى. ول بىرنەشە رەت ءارتۇرلى كاتەگوريالار بويىنشا الەمنىڭ ەڭ ۇزدىك بوكسشىسى دەپ تانىلدى.
GGG سوڭعى رەت 2022 جىلدىڭ 17 قىركۇيەگىندە رينگكە شىعىپ, تريلوگيادا مەكسيكالىق ساۋل «كانەلو» الۆارەستەن جەڭىلىپ قالعان بولاتىن.