ۇكىمەت قاۋلىسىمەن باۋىرجان ءمادي ۇلى سىزدىقوۆ توتەنشە جاعدايلار ۆيتسە-ءمينيسترى بولىپ تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
باۋىرجان ءمادي ۇلى سىزدىقوۆ 1973 جىلعى 14 ماۋسىمدا شىمكەنت وبلىسى بوگەن اۋدانى زاداريا اۋىلىندا تۋعان.
2000 جىلى قازاق مەملەكەتتىك مەديتسينالىق ۋنيۆەرسيتەتىن بىتىرگەن, گيگيەنيست-ەپيدەميولوگ دارىگەرى, 2010 جىلى رەسەي فەدەراتسياسى توتەنشە جاعدايلار مينيسترلىگىنىڭ ازاماتتىق قورعاۋ اكادەمياسىن بىتىرگەن.
سونىمەن قاتار «كوماندالىق-شتابتىق وپەراتيۆتى-تاكتيكالىق ازاماتتىق قورعانىس» ماماندىعى بويىنشا باسقارۋ سالاسىنداعى مامانى, ال 2019 جىلى ماسكەۋ قالاسىنداعى «سينەرگيا» ماسكەۋ قارجى-ونەركاسىپ ۋنيۆەرسيتەتىن «قۇقىقتانۋ» ماگيسترىن تامامداعان.
2001-2009 جىلدار ارالىعىندا وڭتۇستىك قازاقستان وبلىسى تج باسقارماسىنىڭ اعا وفيتسەرى, 2010-2012 جىلدار ارالىعىندا قر تجم ازاماتتىق قورعانىس دەپارتامەنتىنىڭ حالىق پەن اۋماقتى قورعاۋ باسقارماسىنىڭ باستىعى قىزمەتىن اتقارعان.
2012-2014 جىلدار ارالىعىندا قر تجم اقتوبە وبلىسى تجد باستىعىنىڭ ورىنباسارى, 2014-2015 جىلدار ارالىعىندا قر ءىىم تجك اقتوبە وبلىسى توتەنشە جاعدايلار دەپارتامەنتىنىڭ باستىعى بولعان.
2015-2019 جىلدار ارالىعىندا قر ءىىم تجك اقتوبە وبلىسى توتەنشە جاعدايلار دەپارتامەنتىنىڭ باسشىسى قىزمەتىن اتقارعان.
2019 جىلدىڭ قاراشا ايىنان باستاپ قر ءىىم تجك استانا قالاسى توتەنشە جاعدايلار دەپارتامەنتىنىڭ باستىعى قىزمەتىندە بولدى.