مەملەكەت باسشىسى قاسىم-جومارت توقاەۆ قازاقستان – سولتۇستىك يرلانديا قۇرامالارى اراسىنداعى ماتچتان كەيىن «استانا ارەنا» ستاديونىندا تازالىق جۇرگىزگەن ەرىكتىلەر توبىنا العىس ايتتى, دەپ حابارلايدى Egemen.kz.
ء«بىزدىڭ ۇلتتىق قۇرامانىڭ سولتۇستىك يرلانديانىڭ مىقتى كومانداسىمەن الاڭداعى كەزدەسۋىن قىزىعا تاماشالادىم. ويىن وتە قىزىقتى ءارى تارتىستى ءوتتى. قازاق فۋتبولشىلارى قارسىلاس كومانداعا توتەپ بەرىپ, 1:0 ەسەبىمەن لايىقتى جەڭىسكە قول جەتكىزدى. قازاقستان ۇلتتىق قۇراماسى جانە ولاردىڭ مىڭداعان جانكۇيەرلەرى ءۇشىن قۋانىشتىمىن. اسىرەسە «استانا جاستارى» مەن باسقا دا ۇيىمدار ەرىكتىلەرىنىڭ, سونداي-اق جەكەلەگەن ازاماتتاردىڭ, بەلسەندىلەردىڭ ۇلگى الارلىق ءىسىن ايرىقشا اتاپ وتكىم كەلەدى. ولار ويىننان سوڭ ستاديوندا قالىپ, تريبۋناداعى قوقىستى جيناپ شىقتى. فۋتبولشىلارىمىزدى جانە جاستارىمىزدى ماقتان تۇتامىن», دەپ جازدى مەملەكەت باسشىسى الەۋمەتتىك جەلىدەگى پاراقشاسىندا.
كەشە ەلورداداعى «استانا ارەنا» ستاديونىندا قازاقستان مەن سولتۇستىك يرلانديا قۇرامالارى اراسىندا وتكەن ماتچتان كەيىن ەرىكتى جاستار ستاديونداعى قالدىق زاتتاردى جيناپ, كوپشىلىكتىڭ ىقىلاسىنا بولەندى. ەلوردالىق ەرىكتى جاستار استانا قالاسىنىڭ تازالىعى ءۇشىن ايانبايتىنىن جانە ۆانداليزمگە جول بەرمەيتىندىگىن وسىنداي يگى ىستەرىمەن پاش ەتىپ, مەملەكەت باسشىسىنىڭ العىسىنا بولەندى.