پرەمەر-ءمينيستردىڭ ورىنباسارى تامارا دۇيسەنوۆا «Amanat» پارتياسىنىڭ رەسپۋبليكالىق قوعامدىق قابىلداۋ بولمەسىندە ازاماتتاردى قابىلدادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سۇيەنىپ.
ت.دۇيسەنوۆانىڭ قابىلداۋىنا جازىلعان ازاماتتاردىڭ كوپشىلىگى بالالاردى شەتەلدە ەمدەتۋ, مۇگەدەكتىكتى بەلگىلەۋ, زەينەتاقى تولەمدەرى, جۇمىسپەن قامتۋ, كوپ بالالى وتباسىلارعا قولداۋ كورسەتۋ, ەڭبەك قۇقىقتارىن جۇزەگە اسىرۋ سىندى ماسەلەنى كوتەرگەن. ۆيتسە-پرەمەر بارلىق ءوتىنىش بويىنشا زاڭ نورمالارىن ءتۇسىندىرىپ, قوسىمشا قاراستىرۋدى تالاپ ەتەتىن سۇراقتاردى جەكە باقىلاۋىنا الاتىنىن جەتكىزدى.
«قولدانىستاعى زاڭناماعا سايكەس جانە ءوز قۇزىرەتى اياسىندا مەملەكەتتىك ورگاندار وكىلدەرىنە كومەك كورسەتۋ تاپسىرىلدى», دەلىنگەن حابارلامادا.