انگولا ازاماتى, سۇلەيمەن دەميرەل اتىنداعى ۋنيۆەرسيتەتتىڭ 4-كۋرس ستۋدەنتى فەرەيرا ەليشا مەملەكەت باسشىسىمەن قازاق تىلىندە سويلەستى, دەپ حابارلايدى Egemen.kz.
كەشە الماتى وبلىسىندا جۇمىس ساپارىمەن بولعان پرەزيدەنت قاسىم-جومارت توقاەۆ سۇلەيمەن دەميرەل اتىنداعى ۋنيۆەرسيتەتكە باردى.
مەملەكەت باسشىسى جوعارى وقۋ ورنىنىڭ ءبىلىم بەرۋ جانە عىلىمي-زەرتتەۋ جۇمىستارىمەن, سونداي-اق ۋنيۆەرسيتەتتى ودان ءارى دامىتۋ ستراتەگياسىمەن تانىستى. قاسىم-جومارت توقاەۆ جاس وقىتۋشىلارمەن, عالىمدارمەن, ستۋدەنتتەرمەن اڭگىمەلەسۋ بارىسىندا ءبىلىم بەرۋ جۇيەسىنە وزىق ادىستەردى ەنگىزۋ ماڭىزدى ەكەنىن ەرەكشە اتاپ ءوتتى. انگولا ازاماتى, اتالعان ۋنيۆەرسيتەتتىڭ 4-كۋرس ستۋدەنتى فەرەيرا ەليشا مەملەكەت باسشىسىمەن قازاق تىلىندە سويلەستى.ء«بىزدىڭ ۋنيۆەرسيتەتكە قوش كەلدىڭىزدەر! مەن انگولادان كەلدىم. ءسىزدى كورگەنىمە وتە قۋانىشتىمىن. مەن قازىر قوڭىرات بولدىم. قازاق ەلى جاساي بەرسىن!» دەدى ول.