«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى پەداگوگيكالىق شەبەرلىك ورتالىعىندا جاس مۇعالىمدەردىڭ «جاس ۇستاز: تابىسقا اپارار ءجول»⠀ىى رەسپۋبليكالىق فورۋمى اياقتالدى, دەپ حابارلايدى Egemen.kz.
«جاس ۇستاز – 2023» باعدارلاماسى ەلىمىزدىڭ اۋىلدىق جەرلەردەگى بىلىمىنە دەم بەردى. 180-نەن استام ۇستاز تۋعان مەكتەپتەرىنە كوتەرىڭكى كوڭىل كۇي, كاسىبي شابىتپەن ورالدى.
بيىلعى «جاس ۇستاز – 2023» باعدارلاماسىندا اۋىلدا ەڭبەك ەتىپ جۇرگەن تابىستى جاس ۇستازدار باس قوستى. ولاردىڭ بارلىعى اۋىلدىق ءبىلىم بەرۋدىڭ الەۋەتىن دامىتۋ اياسىنداعى جوباعا قاتىسىپ جاتقان تىرەك مەكتەپتەردە جۇمىس ىستەيدى.
– جاڭا وقۋ جىلى باستالماس بۇرىن جاس مۇعالىمدەردىڭ رەسپۋبليكالىق فورۋمىن وتكىزۋدىڭ وزەكتىلىگى سوندا, ولاردىڭ ارقايسىسى ءوزىنىڭ جەكە دامۋ تراەكتورياسىن ءبىلىم بەرۋدەگى الەمدىك ترەندتەرمەن سالىستىرا الادى. اۋىل مەكتەبىندە جۇمىس ىستەۋ – ناعىز ميسسيا ەكەنىن ءبارىمىز تۇسىنەمىز, ال «جاس ۇستاز» كاسىبي دامۋدىڭ جاڭا كەزەڭىن اشتى, – دەدى دەلەگاتتارعا ءبىلىم بەرۋ جونىندەگى جاھاندىق كوميسسيانىڭ ازيا حابىنىڭ كوميسسارى كۇلاش ءشامشيدينوۆا.
ءار فورۋمدا «گالستۋكسىز كەزدەسۋگە» وقۋ-اعارتۋ ءمينيسترىنىڭ كەلۋى داستۇرگە اينالىپ بارادى. وقۋ-اعارتۋ ءمينيسترى عاني بەيسەمباەۆتىڭ ەكسپرومتتارى قاناتتى سوزدەرگە اينالىپ, فورۋم دەلەگاتتارى وزدەرىنە ء تۇرتىپ الدى.
ەلىمىزدىڭ باس ۇستازىنىڭ شىن جۇرەكتەن شىققان سوزدەرىنە زال دۋ قول شاپالاقتادى.
«گالستۋكسىز كەزدەسۋدىڭ» ەكىنشى كۇنى «Aitas KZ» حولدينگىنىڭ باس ديرەكتورى, ءبىلىم بەرۋدى تۇراقتى دامىتۋ قورىنىڭ نەگىزىن قالاۋشى سەريك تولۋكپاەۆتىڭ تابىس تاريحى فورۋمنىڭ بارلىق قاتىسۋشىلارىن شابىتتاندىردى.⠀
جۇزۋدەن حالىقارالىق دارەجەدەگى سپورت شەبەرى, جاسوسپىرىمدەردىڭ ءبىرىنشى ازيا پاراليمپيادا ويىندارىنىڭ جۇلدەگەرى ازامات ورازبەك, عالىم-زەرتتەۋشى, «Mbionics» كومپانياسىنىڭ نەگىزىن قالاۋشى, بىرەگەي ەكزوسكەلەتتىڭ اۆتورى ماۋلەن بەكتۇرعانوۆ, «بوكستان حالىقارالىق دارەجەدەگى سپورت شەبەرى, حالىقارالىق جارىستاردىڭ جەڭىمپازى ءارى جۇلدەگەرى, بالالارعا ارنالعان بوكس سەكتسياسىنىڭ جەتەكشىسى مۇحيت امانتاەۆپەن كەزدەسۋدەن شابىتتانعان ۇستازدار قانشاما رەت قول سوققانىن ەسەپتەۋ قيىن.
ولاردىڭ ارقايسىسىن ءوز زامانداستارىنا شابىت پەن جىگەر بەرە الاتىن ءابسوليۋتتى موتيۆاتسيالىق كوشباسشى دەپ اتاۋعا بولادى.
فورۋمدا قازىرگى كاسىبي باسىمدىقتارعا ارنالعان تاقىرىپتىق الاڭدار جۇمىس ىستەدى. اتاپ ايتقاندا, ءتيىمدى جوسپارلاۋ, فۋنكتسيونالدىق ساۋاتتىلىقتى قالىپتاستىرۋ, ەموتسيونالدى ينتەللەكتىنى دامىتۋ, مۇعالىم جۇمىسىنداعى زەرتتەۋلەر, وقىتۋداعى سارالاۋلار, باعالاۋ سىندى تاقىرىپتار تالقىلاندى.
فورۋم دەلەگاتتارى بولاشاق مەكتەپتىڭ ەڭ باتىل جانە شىعارماشىلىق ۇلگىلەرىنە ارنالعان پەداگوگيكالىق كۆەست ۇيىمداستىردى. وندا ولار «ارمانداعى مەكتەپ – كيىز ءۇي بولعاندا, بۇرىشقا ەشكىم تۇرمايدى» دەگەن قورىتىندىعا كەلدى. ولار ىبىراي التىنسارين اتىنداعى «قارا شاڭىراق», ساممەرحيلل جانە مونتەسسورر, ۆالدورف, «دالتون-پلان» مەكتەپتەرىن عانا ەمەس, وزدەرىنىڭ مانيفەستتەرىن دە ۇسىندى.
«مۇعالىم جۇمىسىنداعى زەرتتەۋلەر» تاقىرىبى ۇلتتىق قۇندىلىعىمىز – كيىز ءۇيدىڭ اسسوتسياتسياسىمەن كەرەمەت ۇشتاسقان بولار ەدى. فورۋم قاتىسۋشىلارى سونىڭ مودەلىندە زەرتتەۋ ساباعىنىڭ جوسپارىن قۇراستىردى. شۇعىلا قاليحانوۆا مەن كۇنسايا ۋتەشەۆا وتكىزگەن شەبەرلىك ساباقتا جاس ۇستازدار زەرتتەۋ جۇمىسىن دايىنداۋ پروتسەسىمەن تانىستى. الاڭنىڭ تاعى ءبىر وزەكتى تاقىرىبى – ء«وز ەموتسيامىزدى باسقارىپ ۇيرەنەيىك». قىزجىبەك ابدرامانوۆا مەن ساۋلە جۋرۋنتاەۆا ءوزىنىڭ جانە وزگەنىڭ ەموتسياسىن وقۋ, ولاردى باسقارۋ جانە ولاردىڭ سەبەبىن ءتۇسىنۋ جونىندە ايتتى. داۋىس تەمبرى, ىم-يشارا ءتىلى, دەنە ءمۇسىنى, اروما-يميدج – بۇل ۇستازدىڭ ءيميدجىن قالىپتاستىرىپ قانا قويماي, ساباق اتموسفەراسىن قۇراتىنى ءسوزسىز.
«فۋنكتسيونالدىق ساۋاتتىلىقتى ارتتىرۋ» تاقىرىپ الاڭىنىڭ ترەنەرلەرى قالامقاس ابديكاريموۆا مەن تالعات مۋكۋتوۆتاردىڭ پىكىرىنشە, پەداگوگتىڭ باستى ماقساتى – ءبىلىمدى تەك تاجىريبەدە ەمەس, ومىردە دە قولدانۋعا بولادى. قازىرگى تاڭدا فۋنكتسيونالدىق ساۋاتتىلىق انىقتاماسىنا داعدى مەن تاجىريبە, تالداۋ جانە ءتۇسىنۋ, ستاندارتتى ەمەس ومىرلىك جاعدايلار مەن سىني تۇرعىدان ويلاۋ ۇعىمدارى كىرەدى.
تابىس سينەرگياسىن قۇرۋ ءۇشىن مۇعالىم پەداگوگيكالىق, مازمۇندىق جانە تەحنولوگيالىق ءبىلىمدى ءوز تاجىريبەسىنە قالاي كىرىكتىرە الادى؟ پەداگوگيكالىق شەبەرلىك ورتالىعىنىڭ ترەنەرلەرى رينات رامازانوۆ پەن باۋىرجان ءدىلمانوۆ TPACK Journey شەبەرلىك سىنىبىندا فورۋم دەلەگاتتارى ءۇشىن وسى وزەكتى سۇراققا جاۋاپ بەردى.
– ەگەر ءبىز وسى جولدى تاڭداعان بولساق, ۇزدىكسىز ءبىلىم الۋىمىز كەرەك», – دەيدى باتىس قازاقستان وبلىسىنداعى ت.جاروكوۆ اتىنداعى جانىبەك ورتا مەكتەبى ورىس ءتىلى ءپانىنىڭ مۇعالىمى جارقىن حالياروۆ.
– مەنىڭ ويىمشا, جاس مۇعالىمدەردىڭ تالىمگەرى فيلوسوف بولۋى كەرەك, – دەيدى سولتۇستىك قازاقستان وبلىسىنداعى مامليۋت مەكتەپ-گيمنازياسىنىڭ اعىلشىن ءتىلى مۇعالىمى ريزا حاميتوۆا.
«جاس ۇستاز – 2023» دەلەگاتتارى فورۋمعا بەس دەگەن باعا قويدى. فورۋم سوڭىندا «ساتتىلىككە يە بول» بىرەگەي لوتەرەياسى بولدى. وندا بارلىق جەڭىمپازعا پەداگوگيكالىق شەبەرلىك ورتالىعىنان ۆەبينارلارعا سەرتيفيكاتتار مەن ەلىمىزدىڭ بارلىق مۇعالىمدەرى ارماندايتىن Lesson box قوراپشاسى تابىس ەتىلدى.
العاشقى «جاس ۇستاز: تابىسقا اپارار جول» رەسپۋبليكالىق فورۋمى 2022 جىلدىڭ تامىز ايىندا استانادا ءوتتى. سودان كەيىن بارلىق وڭىردە ايماقتىق فورۋمدار ۇيىمداستىرىلدى.
سۇرانىسقا يە فورۋمدار پەداگوگيكالىق شەبەرلىك ورتالىعىنىڭ ەڭبەك جولىن ەندى باستاعان مۇعالىمدەردىڭ كاسىبي دامۋى بويىنشا اۋقىمدى جوبانى جالعاستىرىپ كەلەدى. ورتالىقتىڭ online.cpm.kz پلاتفورماسىندا «جاس ۇستازدىڭ مەكتەبى» اشىق ونلاين-كۋرسى ازىرلەندى, ەلىمىزدىڭ ءار وڭىرىندە «جاسامپاز جاس ۇستاز» كلۋبتارى قۇرىلدى, سونداي-اق «شامشىراق» الاڭى ارقىلى ۇزدىك جاس ۇستازداردىڭ تاجىريبەسى تاراتىلادى.
– ءبىرىنشى «جاس ۇستاز: تابىسقا اپارار جول» فورۋمى جاس ارىپتەستەرىمىز ءار مەكتەپتىڭ ستراتەگيالىق رەسۋرسى ەكەنىن دالەلدەدى. ولار قازىرگى تاڭداعى ءبىلىم بەرۋگە جاڭا يدەيالار مەن جاڭا شەشىمدەردى ەنگىزەدى, بالاعا قولايلى اتموسفەرا مەن تسيفرلىق ءبىلىم بەرۋ ورتاسىن قالىپتاستىرادى. سونىمەن قاتار فورۋم تابىسقا جەتۋ جولىندا ەڭ كرەاتيۆتى جانە تابىستى مۇعالىمدەردى بىرىكتىرەدى. بۇگىن ءبىز بارلىق وڭىردەگى اۋىلدىق مەكتەپتەردىڭ اتىنان قاتىساتىن ەكىنشى فورۋمنىڭ قاتىسۋشىلارى دا جاڭا بۋىننىڭ كاسىبيلىگىنە سەنىم ۇيالاتاتىنىنا قۋانىشتىمىز, – دەپ اتاپ ءوتتى پەداگوگيكالىق شەبەرلىك ورتالىعىنىڭ ديرەكتورى جانبوتا كابدىكاريموۆا.
«جاس ۇستاز: تابىسقا اپارار جول» – تاعى دا ءوزىنىڭ سيمۆولدىق اتاۋىن اقتادى. ەكىنشى رەسپۋبليكالىق فورۋم ەلىمىزدە جاس مۇعالىمدەردىڭ بىلىكتىلىگىن ارتتىرۋدىڭ جاڭا شىعارماشىلىق الاڭى قۇرىلعانىن راستادى. ولار قالا مەن اۋىلداعى ءبىلىم اراسىنداعى الشاقتىقتى شىنىمەن دە جوياتىنىنا بەك سەنىمدى.
كەلەسى جىلى «جاس ۇستاز – 2023» دەلەگاتتارى فورۋمنان كەيىن ومىرلەرىنىڭ قالاي وزگەرگەنىن جانە اسىل ارماندارىنىڭ بارلىعىنىڭ شىندىققا اينالعانىن ايتىپ بەرەدى.