Finprom.kz ساراپشىلارى جۇرگىزگەن زەرتتەۋگە كوز جۇگىرتسەك, 2022 جىلى جىنىس بويىنشا ەرلەر ورتا ەسەپپەن 355,3 مىڭ تەڭگە, ايەلدەر 265,8 مىڭ تەڭگە العانىن بايقاۋعا بولادى.
ايماقتىق كونتەكستە ەرلەردىڭ ەڭ جوعارى ورتاشا ايلىق جالاقىسى كەلەسى وڭىرلەردە تىركەلگەن:
اتىراۋ وبلىسى - 631,8 مىڭ تەڭگە; ماڭعىستاۋ وبلىسى - 590,6 مىڭ تەڭگە; ۇلىتاۋ وبلىسى - 489,1 مىڭ تەڭگە.اتالعان ايماقتاردا جىنىس بويىنشا جالاقىنىڭ ەڭ ۇلكەن ايىرماشىلىعى دا بايقالدى.
«ماڭعىستاۋ وبلىسىندا ەرلەردىڭ جالاقىسى ايەلدەردىكىنەن 2 ەسە, اتىراۋدا 85,9 پايىز, ۇلىتاۋدا 68 پايىز ارتىق. جەتىسۋ ءوڭىرى - ايەلدەردىڭ پايداسىنا قاراي ايىرماشىلىق بولعان جالعىز ءوڭىر. بىراق جالاقىداعى ەڭ از ايىرماشىلىق جامبىل, الماتى جانە سولتۇستىك قازاقستان وبلىستارىندا بايقالدى», دەپ ءتۇسىندىردى ساراپشىلار.
ايەلدەردىڭ ەڭ جوعارى ورتاشا ايلىق جالاقىسى كەلەسى وڭىرلەردە تىركەلدى:
استانا قالاسى - 365,1 مىڭ تەڭگە; اتىراۋ وبلىسى - (339,8 مىڭ تەڭگە; الماتى - 320,1 مىڭ تەڭگە.دەسە دە ايەلدەردىڭ ورتاشا ايلىق جالاقىسى تەك ءبىلىم سالاسىنداعى ەرلەردىڭ جالاقىسىنان اسىپ تۇسكەن: 4,8% (239,8 مىڭ تەڭگەگە قارسى 251,4 مىڭ تەڭگە).