ءبىلىم كۇنى كوكشەتاۋ قالاسىنىڭ «قۇلاگەر» شاعىن اۋدانىندا 312 وقۋشى ورنىنا ارنالعان جاڭا مەكتەپ اشىلدى. جاڭا وقۋ جىلىندا اتالعان جاڭا مەكتەپتە بارلىعى 538 وقۋشى ءبىلىم الادى, دەپ جازادى Egemen.kz.
سالتاناتتى ءىس-شاراعا كوكشەتاۋ قالاسىنىڭ اكىمى باۋىرجان عايسا, قالالىق ءماسليحاتتىڭ توراعاسى داستان اكىموۆ, پەداگوگيكالىق ەڭبەك ارداگەرى كۇلاش تەمىرباەۆا, اتا-انالار قاۋىمداستىعىنىڭ وكىلى سارسەنباي سەردالين قاتىسىپ, كوكشەتاۋلىقتاردى ءبىلىم كۇنىمەن جانە №9 مەكتەپتىڭ اشىلۋىمەن قۇتتىقتادى. سونداي-اق ءبىلىم بەرۋ مەكەمەسىنە وبلىس ورتالىعى اكىمىنىڭ اتىنان دومبىرا تارتۋ ەتىلدى.
45 ءپان كابينەتى, سپورت زالى, اسحاناسى, مەديتسينالىق كابينەتى, شاعىن ورتالىعى بار. جالپى ءبىلىم بەرەتىن مەكەمە ءىشىن ارالاۋعا ەكسكۋرسيا ۇيىمداستىرىلدى.
ايتا كەتسەك, جالپى اقمولا وبلىسىندا ءبىلىم كۇنى جاڭادان 5 مەكتەپتىڭ سالتاناتتى اشىلۋى ءوتتى, ال تاعى 8 ءبىلىم بەرۋ مەكەمەسىن جىل سوڭىنا دەيىن پايدالانۋعا بەرۋ جوسپارلانىپ وتىر.