مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداعان جولداۋىن دەن قويىپ, مۇقيات تىڭدادىق. جولداۋدا ايتىلعان كەلەلى ماسەلەلەر جالپى جۇرتشىلىقتىڭ كوكەيىندە جۇرگەن دۇنيە.
مەملەكەت باسشىسىنىڭ جولداۋىندا اۋىل شارۋاشىلىعىن وركەندەتۋدىڭ وڭتايلى جولدارى كورسەتىلگەن. ەندىگى ارادا سالاعا سەرپىن بەرەتىن وزگەرىستەر قاجەت. وسى ورايدا مەملەكەت باسشىسى «الدىمىزدا تاعى ءبىر وتە ماڭىزدى مىندەت تۇر. ءبىر اگروونەركاسىپ كەشەنىندە ناقتى سەرپىلىس جاساۋىمىز كەرەك. اۋىل شارۋاشىلىعى سالاسىنىڭ الەۋەتى وراسان زور, بىراق, قولدا بار مۇمكىندىكتى ءالى دە تولىق پايدالانباي وتىرمىز» دەپ اتاپ كورسەتتى. شىنىندا دا, اقىق ءدان ايالاپ, اقتىلى مال وسىرگەن ەلدە ازىق-ت ۇلىك مولشىلىعىن جاساۋدىڭ زور مۇمكىندىگى بار ەكەنى بەلگىلى. تەك سونىڭ ورايىن تابا الماي وتىرمىز. ويداعى ءىس جۇزەگە اسسا, ازىق-ت ۇلىكتىڭ دە مولشىلىعى بولار ەدى, مال سۇمەسىمەن كۇن كورەتىن اۋىل تۇرعىندارىنىڭ دا الەۋمەتتىك-تۇرمىستىق جاعدايى جاقسارىپ قالار ەدى.
ايتالىق, شالعايداعى شاعىن اۋىل تۇرعىندارى اۋىر ەڭبەكپەن باعىپ وتىرعان مال ونىمدەرىن ۇقساتىپ ساتا الماي وتىر. ءسۇت ونىمدەرىن جيناپ وڭدەۋ كەمشىن. ەسەسىنە وبلىس ورتالىعىنداعى ازىق-ت ۇلىك دۇكەندەرىندە شەتتەن تاسىمالداناتىن قۇرعاق ءسۇت تولىپ تۇر. تىعىرىقتان شىعۋ ءۇشىن مەنىڭ ويىمشا قاناتتاس قونىستانعان ءتورت-بەس اۋىلدىڭ ورتاسىندا ءسۇت جينايتىن توڭازىتقىشى بار ورىن اشسا. وندا جينالعان ءسۇتتى تاڭعى, كەشكى سايىنىن ءبىر-اق قوسىپ ءسۇت زاۋىتىنا تاسىمالداسا, وزىندىك قۇنى قىمباتتاماس ەدى. ەسەسىنە مال سۇمەسىمەن كۇن كورىپ وتىرعان اۋىل تۇرعىندارى ساۋعان سۇتتەرىنە وراي اقىسىن الىپ, قور جينايدى. ايتپەسە, قىسى التى ايعا سوزىلاتىن سولتۇستىك وڭىردە مالدىڭ تولىمەن پايدا تابۋ وتە قيىن شارۋا. ەكىنشىدەن, اۋىل ادامدارىنىڭ باعىمىنداعى ەتتى وتكىزۋ كولدەنەڭنەن كەزىگەر قيىندىعى كوپ ماسەلە بولىپ تۇر. ولار قالالىق جەردەگى بازارلارعا جەتكىزىپ, بورداقىلاعان مالدارىن تولىمدى باعاعا وتكىزە الماي وتىر. دەمەك, اۋدان ورتالىقتارىندا, ءىرى ەلدى مەكەندەردە مال ونىمدەرىن وڭدەيتىن شاعىن ەت كومبيناتتارى سالىنسا. مىنە, سول كەزدە ادال ەڭبەك يەلەرى وڭايدان پايدا تاباتىن الىپساتارلارعا جەم بولماس ەدى.
مەملەكەت باسشىسى دا ءونىم وتكىزەتىن ۇلكەن نارىقتار بار ەكەندىگى تۋرالى ايتىپ وتىر. ءبىز قاشانعى كۇيبەڭ تىرلىكپەن كۇنەلتپەكپىز؟! ەل يگىلىگى ەسەلەنۋى ءۇشىن ازىق-ت ۇلىك ساپاسىن ارتتىرىپ, بار ءونىمدى ۇقساتۋ مىندەتى وتە دۇرىس قويىلىپ وتىر. ەندىگى ارادا ءونىمدى جوعارى دەڭگەيدە وڭدەي ءبىلۋىمىز كەرەك. ول ءۇشىن ارينە, جەرگىلىكتى جەردەگى اكىمدەر حالىققا دا پايدالى, مەملەكەتكە دە پايدالى شارۋانى ۇيىمداستىرۋى قاجەت دەپ ەسەپتەيمىن.
سولتۇستىك ءوڭىر اسىرەسە كوكتەمدە كوكونىسكە ءزارۋ. سەبەپ, كوكونىس ساقتايتىن قويمالاردىڭ ازدىعى. سوندىقتان, سىرتتان تاسىمالداناتىن ءونىمنىڭ وسى تۇرىنە سۇرانىس جوعارى. سۇرانىس بولعاننان كەيىن باعا دا ءوسىپ كەتەدى. ازىق-ت ۇلىك بەلدەۋىندەگى اۋدانداردا كوكونىس قويمالارى كوبىرەك سالىنسا, باسەكەلەستىك پايدا بولىپ, باعانى تەجەۋگە دە سەپتىگىن تيگىزەر ەدى. مەملەكەت باسشىسىنىڭ ساپالى ءونىمدى قاجەتتى كولەمدە, تۇراقتى ۇسىنا الاتىن كاسىپورىندار قاجەت دەگەن ويىنا زەر سالساڭىز, وسى تاراپتاعى احۋالدى تامىرشىداي تاپ باسىپ وتىرعاندىعىن اڭعارار ەدىڭىز. شاعىن شارۋانىڭ مۇمكىندىگى از. ءونىمدى وڭدەۋ ءۇشىن ىرىلەنگەن, قۋاتتى كاسىپورىندار كەرەك. سوندا عانا اۋىل شارۋاشىلىعىنىڭ وسى باعىتى العا جىلجيدى. الداعى ءۇش جىل ىشىندە اگروونەركاسىپتەگى وڭدەلگەن ءونىم ۇلەسىن 70 پايىزعا جەتكىزە الاتىن بولساق, ەل يگىلىگى ارتادى. بۇل جاڭا جۇمىس ورىندارى, تۇراقتى ەڭبەكاقى دەگەن ءسوز. توقشىلىق بار جەردە تىنىشتىق بولاتىندىعىن ەستەن شىعارماعان ابزال.
تالعات ءجۇنىسوۆ,
قازاقستان رەسپۋبليكاسى پارلامەنتى سەناتىنىڭ دەپۋتاتى