مەملەكەت باسشىسى قاسىم-جومارت توقاەۆ ءتيىستى جارلىققا قول قويدى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
«مەملەكەت باسشىسىنىڭ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» جارلىعىمەن قازاقستان رەسپۋبليكاسىنىڭ سۋ رەسۋرستارى جانە يرريگاتسيا مينيسترلىگى قۇرىلدى», دەلىنگەن حابارلامادا.
ەسكە سالايىق, بۇگىن 1 قىركۇيەكتە ەل پرەزيدەنتى قازاقستان حالقىنا كەزەكتى جولداۋىن جاريالادى. مەملەكەت باسشىسى سۋ رەسۋرسىنا, ونى ۇنەمدەۋ قاجەت ەكەنىنە ەرەكشە توقتالىپ ءوتىپ, ەلىمىزدە سۋ رەسۋرستارى جانە يرريگاتسيا مينيسترلىگى قۇرىلاتىنىن حابارلاعان ەدى.