وتكەن جىلى قازاقستاننىڭ ىشكى جالپى ءونىمى 104 تريلليون تەڭگە بولدى. سونداي-اق ەلىمىزگە 28 ميلليارد دوللار تىكەلەي شەتەل ينۆەستيتسياسى تارتىلدى. بۇل تۋرالى پرەزيدەنت قاسىم-جومارت توقاەۆ ايتتى, دەپ جازادى Egemen.kz.
«ناعىز دامىعان ەل بولامىز دەسەك, ساياسي رەفورمالارمەن شەكتەلىپ قالماۋىمىز كەرەك. وسى جۇمىستى تۇبەگەيلى جانە جان-جاقتى الەۋمەتتىك-ەكونوميكالىق رەفورماعا ۇشتاستىرۋ قاجەت. قازىر الەمدە گەوساياسي احۋال ۋشىعىپ تۇر. سوعان قاراماستان, ەل ەكونوميكاسىنىڭ نەگىزگى باعىتتارى بويىنشا كورسەتكىشتەر ءوستى», دەدى مەملەكەت باسشىسى قازاقستان حالقىنا جولداۋى بارىسىندا.
بىلتىر قازاقستاننىڭ ىشكى جالپى ءونىمى 104 تريلليون تەڭگە بولدى. ەلىمىزگە 28 ميلليارد دوللار تىكەلەي شەتەل ينۆەستيتسياسى تارتىلدى. پرەزيدەنتتىڭ ايتۋىنشا, بۇل – رەكوردتىق كورسەتكىش.
«سىرتقى ساۋدا-ساتتىق بۇرىن بولماعان دەڭگەيگە, ياعني 136 ميلليارد دوللارعا جەتتى. ونىڭ 84 ميللياردى – ەكسپورت. سىرتقى قورىمىز 100 ميلليارد دوللارعا جۋىقتادى», دەدى قاسىم-جومارت كەمەل ۇلى.