جامبىل وبلىسىنىڭ جۋالى اۋدانىنا قاراستى كارىقورعان اۋىلىنىڭ تۇرعىنى دوروش ۆاسيلي «اسارلاتىپ ءۇي سالۋ» جوباسى شەڭبەرىندە باسپانالى بولدى, دەپ جازادى Egemen.kz.
شارۋا قوجالىق يەلەرى, كاسىپكەرلەر مەن اۋىل تۇرعىندارى بىرلەسىپ, مۇگەدەكتىگى بار جانعا 4 بولمەلى باسپانا سىيعا تارقان. كوپشىلىكتىڭ كومەگىمەن كۇردەلى جوندەۋدەن وتكەن تۇرعىن ۇيگە جىلۋ جۇيەسى جانە اۋىز سۋ تارتىلعان.
جامبىل وبلىسى اكىمدىگىنىڭ ءباسپاسوز قىزمەتى ءمالىم ەتكەندەي, وبلىستا بىرنەشە جىلدان بەرى حالقىمىزدىڭ اسار ءداستۇرى قايتا جاڭعىرىپ, وسى كۇندەرى ايماقتىق «اسارلاتىپ ءۇي سالۋ» جوباسى ارقىلى تۇرعىن ءۇي سالۋ, باسپانانى كۇردەلى نەمەسە اعىمداعى جوندەۋدەن وتكىزۋ جۇمىستارى قارقىندى جۇرۋدە. وسى تۇرعىدا 2020-2022 جىلدار ارالىعىندا 338 وتباسى باسپانالى بولسا, بيىل 105 مۇقتاج وتباسىن جەكە تۇرعىن ۇيمەن قامتاماسىز ەتۋ كوزدەلىپ وتىر.