ازاماتتىق اۆياتسيا اكادەمياسىنا وقۋعا تۇسۋشىلەر سانى ەكى ەسە وسكەن

عىلىم جانە جوعارى ءبىلىم مينيسترلىگىنىڭ مالىمەتىنە سۇيەنە سالىستىرىپ كەتسەك, وتكەن جىلى اكادەميا 338 ۇمىتكەردى قابىلداپ, ونىڭ 185-ءى گرانت يەگەرلەرى بولسا, بيىل جالپى ۋنيۆەرسيتەت تىلەك بىلدىرۋشىلەردەن 3000-نان استام ءوتىنىش قابىلداعان, سولايشا جالپى كونكۋرس ءبىر ورىنعا 4 ادامدى قۇرادى. ۇشقىش ماماندىعىنا ىرىكتەۋدىڭ جوعارى كريتەريلەرىنە قاراماستان, كونكۋرس ءبىر ورىنعا 7,5 ادامدى قۇراعان. بيىل تەحنيكالىق ماماندىقتارعا قاتىستى عىلىم جانە جوعارى ءبىلىم مينيسترلىگىنىڭ قولداۋى ەرەكشە. جالپى العاندا, اكادەمياعا قابىلداۋ 14 ءبىلىم بەرۋ باعدارلاماسى بويىنشا جۇزەگە اسىرىلعان.

وسى جىلى ۋنيۆەرسيتەتتە ءبىلىم العىسى كەلەتىن شەتەل ازاماتتارىنان 26 ادام 1-كۋرس ستۋدەنتى اتاندى. ولاردىڭ ىشىندە نيگەريادان 8 ادام ينجەنەرلىك ماماندىقتارعا تۇسكەن. سونداي-اق ستۋدەنتتەردىڭ اراسىندا تۇركيا, تاجىكستان, وزبەكستان, رەسەي ازاماتتارى دا بار.

ء«بىلىم ساپاسىن ارتتىرۋ, اۆياتسيا سالاسىمەن بەلسەندى ءوزارا ارەكەتتەسۋ, نارىق قاجەتتىلىكتەرىن تالداۋ, اۆياتسيالىق كاسىپورىنداردىڭ ماماندارعا قويىلاتىن تالاپتارىن زەردەلەۋ جانە وقۋ ۇدەرىسىنە ەنگىزۋ بويىنشا جۇمىستار جۇرگىزىلىپ جاتىر. قازىرگى ۋاقىتتا ازاماتتىق اۆياتسيا اكادەمياسى ەۋروپالىق وداقتىڭ EASA PART-FCL اۆياتسيالىق قاۋىپسىزدىك اگەنتتىگىنىڭ 2025 جىلى ءوتۋى ءتيىس سەرتيفيكاتتاۋىنا دايىندىق ۇستىندە. سەرتيفيكات الۋ حالىقارالىق دەڭگەيدە مويىندالعان ستاندارتتارعا سايكەس كەلەتىن اۆياتسيالىق ءبىلىم بەرۋ قىزمەتتەرىن ەكسپورتتاۋ مۇمكىندىگىن اشادى», دەدى ازاماتتىق اۆياتسيا اكادەمياسىنىڭ رەكتورى ب.سەيداحمەتوۆ.