پرەزيدەنتتىك جاستار كادر رەزەرۆىنە ءوتىنىمدى قالاي بەرۋگە بولادى؟

ىرىكتەۋ بىرنەشە كەزەڭنەن تۇرادى. ءوتىنىم بەرۋ 2023 جىلدىڭ 1 قىركۇيەك – 25 جەلتوقسان ارالىعىندا وتەدى. ونىڭ قورىتىندىسى بويىنشا رەزەرۆكە ۇزدىك 50 ۇمىتكەر ىرىكتەلەدى. رەزەرۆتە بولۋ مەرزىمى – 3 جىل. وسى كەزەڭدە رەزەرۆشىلەر كونكۋرستىق ىرىكتەۋسىز ءارتۇرلى مەملەكەتتىك لاۋازىمدارعا تاعايىندالۋى مۇمكىن.

قاتىسۋعا ءوتىنىمدى pkrezerv.gov.kz سايتىندا 1-30 قىركۇيەك ارالىعىندا بەرۋگە بولادى.

 

سايتقا قالاي تىركەلەدى؟

وسى جىلدىڭ 1 قىركۇيەگىنەن 30 قىركۇيەگىنە دەيىن قاتىسۋشى جسن جانە ەلەكتروندىق پوشتانى ەنگىزۋ ارقىلى سايتتا تىركەۋدەن ءوتۋى قاجەت.

ۇمىتكەردىڭ جاسىن تەكسەرگەننەن كەيىن جۇيە وعان جەكە كابينەتتە انكەتانى تولتىرۋعا جانە قاجەتتى قۇجاتتاردى جۇكتەۋگە مۇمكىندىك بەرەدى.

 

جوباعا قاتىسۋ ءۇشىن قانداي قۇجاتتار قاجەت؟

سايتقا تىركەلۋ ءۇشىن كەلەسى قۇجاتتاردىڭ كوشىرمەلەرىن جۇكتەۋ قاجەت: 

1) جوعارى ءبىلىم تۋرالى ديپلوم;

2) ەڭبەك قىزمەتىن راستايتىن قۇجات (قر ەڭبەك كودەكسىنىڭ 35-بابىنا سايكەس);

3) مەملەكەتتىك ءتىلدى B1 دەڭگەيىنەن تومەن ەمەس مەڭگەرگەنىن راستايتىن ءارى جارامدى QAZAQ RESMI TEST نەمەسە KAZTEST سەرتيفيكاتى.

سونداي اق تىركەۋ كەزىندە قاتىسۋشىلار التى سالالىق باعىتتىڭ ءبىرىن تاڭداۋى كەرەك:

ينفراقۇرىلىمدى, ونەركاسىپتى دامىتۋ جانە ساۋدا ساياساتى; اگروونەركاسىپتىك كەشەن جانە قورشاعان ورتانى قورعاۋ; سىرتقى ساياسات جانە ينۆەستيتسيالار ەكونوميكالىق جانە قارجىلىق ساياسات; تسيفرلاندىرۋ الەۋمەتتىك ساياسات جانە ازاماتتىق قوعام;

 

مەملەكەتتىك ءتىلدى ءبىلۋ تۋرالى سەرتيفيكاتتى قالاي الۋعا بولادى؟

ءوتىنىم بەرۋ كەزىندە مەملەكەتتىك ءتىلدى مەڭگەرگەنى تۋرالى سەرتيفيكات بولماعان جاعدايدا ۇمىتكەرگە سايتتا بەرىلگەن پروموكود ارقىلى قر عىلىم جانە جوعارى ءبىلىم مينيسترلىگىنىڭ «قازتەست» جۇيەسىندە وفلاين نەمەسە قر پرەزيدەنتى جانىنداعى مەملەكەتتىك باسقارۋ اكادەمياسىنىڭ QAZAQ RESMI TEST بويىنشا ونلاين تەستىلەۋدەن ءبىر رەت تەگىن ءوتۋ مۇمكىندىگى بەرىلەدى. Qazaq RESMI TEST نەمەسە قازتەست-تە تەستىلەۋدەن ءوتۋ ءۇشىن سايتتا ۇسىنىلعان پروموكودتى كانديدات جەكە ءوزى پايدالانۋى ءتيىس.

Qazaq RESMI TEST نەمەسە قازتەست-تە تەستىلەۋدەن ءوتۋ ءۇشىن ۇسىنىلعان پروموكودتى كانديدات جەكە ءوزى پايدالانۋى ءتيىس. ۇمىتكەر ءتيىستى سەرتيفيكات العاننان كەيىن ىرىكتەۋگە قاتىسۋ ءۇشىن تىركەۋدى اياقتاي الادى. سەرتيفيكات بەرۋ مەرزىمى – 2-7 جۇمىس كۇنى ارالىعىن قۇرايدى.

 

تەستىلەۋ – ماتىندىك اقپاراتپەن جۇمىس ىستەۋ قابىلەتىن باعالاۋعا قالاي جازىلۋعا بولادى؟

تەستىلەۋدىڭ ءبىرىنشى بلوگى – «ماتىندىك اقپاراتپەن جۇمىس ىستەۋ قابىلەتىن باعالاۋعا» جازىلۋ ءوتىنىمنىڭ قابىلدانعانىن راستايتىن حابارلامانى العان ساتتەن باستاپ 2023 جىلعى 30 قىركۇيەك ساعات 23.59-عا دەيىن اشىق بولادى. قاتىسۋشى ۇسىنىلعان نۇسقالاردان تەستىلەۋ ۋاقىتىن تاڭداۋى كەرەك.

 

كەرى بايلانىس

تىركەلۋ بارىسىندا سۇراقتار تۋىنداعان جاعدايدا ۇمىتكەر 24/7 جۇمىس ىستەيتىن pkrezerv.gov.kz سايتىنداعى Jivo سايت نەمەسە +7708 096 70 70 ءنومىرى بويىنشا قولداۋ قىزمەتىنە, سونداي-اق info@pkrezrv.gov.kz ەلەكتروندىق پوشتاسىنا حات جولداۋ ارقىلى جۇگىنە الادى.