ەرلان قوشانوۆ: اتا زاڭىمىز – ەلدىك پەن ەگەمەندىكتىڭ التىن دىڭگەگى

«ارداقتى اعايىن! بارشاڭىزدى كونستيتۋتسيا كۇنىمەن شىن جۇرەكتەن قۇتتىقتايمىن! بۇل مەرەكەنىڭ بارلىق قازاقستاندىق ءۇشىن ماڭىزى ەرەكشە. ويتكەنى, اتا زاڭىمىز – ەلدىك پەن ەگەمەندىكتىڭ التىن دىڭگەگى, ورلەۋ مەن جاڭعىرۋعا جول باستاعان ەلىمىزدىڭ باستى قۇجاتى. بىلتىر مەملەكەت باسشىسى قاسىم-جومارت كەمەل ۇلى توقاەۆتىڭ ۇيىتقى بولۋىمەن كونستيتۋتسيانىڭ ۇشتەن ءبىر بولىگى جاڭارىپ, نەگىزگى ساياسي ينستيتۋتتار قايتا تۇلەدى. بۇل قادام ءبىرىنشى كەزەكتە ادىلەتتى مەملەكەت قۇرۋعا باعىتتالىپ وتىر. وسىلايشا ەل دامۋىنىڭ جاڭا ءداۋىرى باستالدى دەۋگە بولادى», دەلىنگەن قۇتتىقتاۋدا.

ەرلان قوشانوۆ بۇگىندە اتا زاڭىمىز ادىلدىك پەن تەڭدىكتىڭ سيمۆولىنا اينالعانىن ايتتى. ءار قازاقستاندىق ءۇشىن بىردەي مۇمكىندىكتەرگە جول اشىلدى. ازاماتتاردىڭ كونستيتۋتسيالىق قۇقىقتارىن تولىق جۇزەگە اسىرۋعا جاعداي جاسالدى.ء«بىز العان باعىتىمىزدان تايماي, پرەزيدەنتىمىزگە تىرەك بولىپ, كوزدەگەن ماقساتتارعا حالقىمىزبەن بىرگە قول جەتكىزەمىز. وسى جولدى ەلىمىزگە باق-بەرەكە, ءار شاڭىراققا شاتتىق تىلەيمىن! بىرلىگىمىز نىعايىپ, تابىسىمىز ارتا بەرسىن! ەلىمىز امان, جۇرتىمىز تىنىش بولسىن!», دەدى ە.قوشانوۆ.