بۇگىن قازاقستاندىقتار كونستيتۋتسيا كۇنىن اتاپ وتەدى. اتا زاڭ 1995 جىلدىڭ 30 تامىزىندا جالپىحالىقتىق رەفەرەندۋم ناتيجەسىندە قابىلداندى, دەپ حابارلايدى Egemen.kz.
قازاقستان كونستيتۋتسياسى – مەملەكەتتىڭ قۇقىقتىق نەگىزىن قالىپتاستىرۋشى قۇجات. ول 9 بولىمنەن, 98 باپتان تۇرادى.
تاۋەلسىز قازاقستاننىڭ تۇڭعىش كونستيتۋتسياسى 1993 جىلى 28 قاڭتاردا قابىلداندى. 1993 جىلعى كونستيتۋتسيانىڭ نەگىزىندە ەلىمىز پارلامەنتتىك رەسپۋبليكا مودەلىندە بولسا, 1995 جىلى قابىلدانعان كونستيتۋتسيا نەگىزىندە پرەزيدەنتتىك-پارلامەنتتىك بيلىككە كوشتى. 1995 جىلى قابىلدانعان كونستيتۋتسياعا ءار جىلدارى بىرقاتار وزگەرىس ەنگىزىلدى.
كونستيتۋتسيادا بەلگىلەنگەن دەموكراتيا قۇندىلىقتارى, ازاماتتاردىڭ قۇقىقتارى مەن بوستاندىقتارىنىڭ كەپىلدىكتەرى قازاقستان رەسپۋبليكاسى دامۋىنىڭ ناقتى ستراتەگيالىق باعدارىن ايقىندايدى. اتا زاڭىمىز – قاستەرلى تاۋەلسىزدىگىمىزدىڭ سەنىمدى تىرەگى.