مەملەكەت باسشىسى ادام قۇقىقتارىن قورعاۋ جۇيەسىنىڭ وكىلدەرىمەن كەزدەسۋ بارىسىندا ء سوز سويلەپ, ازاماتتاردى قۇقىقتىق تۇرعىدا تاربيەلەۋدىڭ ماڭىزى ارتا تۇسكەنىن نازارعا سالدى, دەپ حابارلايدى Egemen.kz اقورداعا سىلتەمە جاساپ.
«ازاماتتاردىڭ قۇقىقتىق ساۋاتتىلىعىن ارتتىرۋ جانە قۇقىق قورعاۋ ينستيتۋتتارىنىڭ جۇمىسى تۋرالى اقپاراتتاندىرۋ ماسەلەسىن ارتتىرۋ قاجەت. قازىرگى جاعدايدا قۇقىقتىق ناسيحات پەن ازاماتتاردى قۇقىقتىق تۇرعىدا تاربيەلەۋدىڭ ماڭىزى ارتا ءتۇستى. بۇل ىسكە ساراپشىلاردى تارتا وتىرىپ, بارلىق قۇقىق قورعاۋ ينستيتۋتتارىنىڭ الەۋەتىن جۇمىلدىرۋ قاجەت. سىزدەر ۇنەمى قوعامداعى ماڭىزدى ماسەلەلەردى كوتەرۋلەرىڭىز كەرەك. كوپ جاعدايدا الەۋمەتتىك شيەلەنىس پەن ماسىلدىققا قۇقىقتىق ساۋاتسىزدىق سەبەپ بولادى. كوپتەگەن ادام قۇقىقتىق تۇرعىدا ءوز مۇددەلەرىن قورعاۋدى, قولدانىستاعى زاڭ نورمالارىنا سۇيەنۋدى بىلمەيدى. ازاماتتاردىڭ قۇقىقتارى مەن بوستاندىقتارى كوبىنە اقپاراتتىق رەسۋرستار مەن زاڭ كومەگى قولجەتىمسىز شالعاي ايماقتاردا بۇزىلادى», دەدى مەملەكەت باسشىسى.