پرەزيدەنت قاسىم-جومارت توقاەۆ كونستيتۋتسيا كۇنىنە وراي وتكىزگەن ارنايى جيىندا اۋىل تۇرعىندارى قانداي ماسەلەنى ءجيى كوتەرەتىنىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«اۋىل تۇرعىندارى باسقا ماسەلەلەرگە قاراعاندا, جەردى پايدالانۋ, جايىلىمداردى ءبولۋ, ينفراقۇرىلىمداردىڭ قولجەتىمدىلىگى مەن ساپاسىنا قاتىستى ماسەلەلەردى ءجيى كوتەرەدى. قۇقىقتىق ناسيحات باعىتىنداعى سىزدەردىڭ كۇش-جىگەرلەرىڭىز اۋىل مەن قالا تۇرعىندارىنىڭ مۇمكىندىگى اراسىنداعى الشاقتىقتى دايەكتى تۇردە قىسقارتۋعا ءتيىس. ومبۋدسمەن وكىلدىكتەرى وڭىرلەردە قۇقىقتىق ساۋاتتىلىقتى ارتتىرۋعا ءتيىمدى ىقپال ەتە الادى. جەرگىلىكتى قوعامداستىقتار ازاماتتاردىڭ قۇقىقتارىن قورعاۋ ءۇشىن جۇرگىزىلىپ جاتقان جۇمىستار تۋرالى تولىق اقپارات الۋعا ءتيىس. ادامدار قابىلدانىپ جاتقان شارالاردىڭ ناقتى ناتيجەسىن كورىپ, باعالاي الۋى قاجەت. بۇل – باستى مىندەت. ەلىمىزدە جولعا قويىلعان ۋاكىلدەر جۇيەسى وزىنە جۇكتەلگەن مىندەتتى تولىق ورىنداۋعا ءتيىس. اتالعان باعىتتاعى قىزمەت – ادىلەتتى قازاقستاندى قۇرۋ جولىنداعى ماڭىزدى قادام», دەدى مەملەكەت باسشىسى.