ماگيستراتۋرا مەن دوكتورانتۋراعا ءتۇسۋ ەمتيحاندارى بۇرىن قالاي بولدى, ەندى نە وزگەردى؟ بۇل سۇراقتارعا اسحات ايماعامبەتوۆ جاۋاپ بەردى, دەپ حابارلايدى Egemen.kz.
«بۇرىن ءار ۋنيۆەرسيتەت ءوز بەتىنشە ەمتيحان سۇراقتارىن ازىرلەپ, وزدەرى ەمتيحان قابىلداپ, تەكسەرىپ, وقۋعا قابىلداۋ تۋرالى بۇيرىق شىعاراتىن. وزدەرىڭىز بىلەتىندەي بۇرىن رەكتورلىق ءتىزىم بولاتىن, تامىر-تانىسسىز وقۋعا ءتۇسۋ وتە قيىن ەدى» دەپ جازدى ول Facebook جەلىسىندە.
ء«بىز ماگيستراتۋراعا ءتۇسۋ ەمتيحاندارىن ۇبت سياقتى ءبىر ورتالىققا توپتاستىردىق, ەمتيحان قابىلداۋ فۋنكتسياسىن رەكتورلاردان الىپ تاستادىق. ودان كەيىن ەلەكتروندى فورماتقا اۋىستىردىق. سونىمەن قاتار گرانت ەمتيحان ناتيجەسى بويىنشا جينالعان ۇپايعا قاراي بولىنە باستادى. وسىلايشا ەڭ جوعارى بالل جيناعان تالاپكەر گرانتقا يە بولادى دا, ۋنيۆەرسيتەتتى ءوزى تاڭدايتىن بولدى», دەپ جازدى ول.
ول, سونىمەن قاتار يگەرىلمەگەن گرانتتار بويىنشا 2021 جىلى ەمتيحاندى جازدا عانا ەمەس, جەلتوقساندا دا وتكىزۋ مۇمكىن بولعاندىقتان, بۇل دا ءبىلىم الۋشىلارعا قولايلى بولۋ ءۇشىن جاسالعانىن ايتىپ ءوتتى.
وسىلايشا سالىستىرا كەلە ا. ايماعامبەتوۆ دوكتورانتۋرا بويىنشا ءالى دە ءبىراز تاۋەكەل مەن ۋنيۆەرسيتەتتەردىڭ ىقپالى بار ەكەنىن ايتىپ, ونى قوسىمشا قاراۋ كەرەك ەكەنىن اتاپ وتكەن.
«بىرەر جىل ۋاقىتتا ونداعان مىڭ ماگيسترانت پەن دوكتورانت وقۋعا ءتۇستى, ءتىپتى وقۋىن اياقتاپ تا ۇلگەردى. بۇل رەفورمالار جاقسى وزگەرىستەر اكەلدى دەپ ويلايمىن», دەپ تۇيىندەدى اسحات ايماعانبەتوۆ.