كەشە ىشكى ىستەر مينيسترلىگى ۇلتتىق قاۋىپسىزدىك كوميتەتىمەن بىرلەسىپ, پروكۋراتۋرانىڭ ۇيلەستىرۋىمەن استانا جانە قاراعاندى قالالارىنىڭ اۋماعىندا قاراعاندى وبلىسىنداعى كريمينوگەندىك جاعدايعا تەرىس اسەر ەتەتىن قىلمىستىق توپتى ۇستاۋ بويىنشا كەڭ اۋقىمدى ارنايى وپەراتسيا جۇرگىزدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
توپ مۇشەلەرىنىڭ تاۋ-كەن ءوندىرۋشى كومپانيالاردىڭ ءبىرىنىڭ تاۋارلىق-ماتەريالدىق قۇندىلىقتارىن ۇرلاۋعا, ەسىرتكى مەن اتىس قارۋىن ساقتاۋعا, سونداي-اق 2022 جىلى قىلمىستىق تەكەتىرەس كەزىندە قاراعاندى تۇرعىنىن ولتىرۋگە وقتالۋ فاكتىسىنە قاتىسى بار ەكەنى انىقتالدى. وسى قاستاندىقتى جاساماق بولعان توپتىڭ بولجامدى «كيللەرى» كورشى مەملەكەتتىڭ اۋماعىندا ۇستالدى.
– 70 ءتىنتۋ ءىس-شاراسى وتكىزىلدى, سونىڭ ناتيجەسىندە توعىز قارۋ, 400-گە جۋىق وق-ءدارى, پىشاقتار, راديوستانتسيالار, ۇلكەن كولەمدە اقشا جانە باسقا دا زاتتاي دالەلدەمەلەر تابىلىپ, تاركىلەندى. پوليتسياعا 28 ادام جەتكىزىلدى, ونىڭ ىشىندە توپتىڭ 12 بەلسەندى مۇشەسى ۋاقىتشا ۇستاۋ يزولياتورىنا قامالدى.
قىلمىستىق كودەكستىڭ بىرنەشە باپتارى بويىنشا سوتقا دەيىنگى تەرگەپ-تەكسەرۋ جۇرگىزىلۋدە, ءتيىستى ساراپتامالار تاعايىندالدى, – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.