پرەزيدەنت قاسىم-جومارت توقاەۆ 15-ءشى بريكس ءسامميتى اياسىندا ءوتىپ جاتقان مەملەكەتتەر باسشىلارىنىڭ «بريكس پليۋس» ديالوگى وتىرىسىندا ءسوز سويلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«بۇگىنگى سامميت بريكس-ءتىڭ ءرولىن ەلەۋلى تۇردە كۇشەيتىپ, اشىق ديالوگ پەن ءوزارا تۇسىنىستىك نەگىزىندە جاھانداعى كوپتەگەن وزەكتى ماسەلەنى شەشۋگە كومەكتەسە الادى. بۇل سامميت حالىقارالىق ارەناداعى جاعداي شيەلەنىسكەن كەزەڭدە ءوتىپ جاتىر. ونىڭ سيپاتتارى ساياسي قىسىم جاساۋدان, كونفرونتاتسيادان جانە جاپپاي سانكتسيا سالۋدان كورىنەدى. سوندىقتان مەن شانحاي ىنتىماقتاستىق ۇيىمىنىڭ قازىرگى توراعاسى رەتىندە وڭىرارالىق ىنتىماقتاستىقتىڭ پەرسپەكتيۆاسى مەن ورتاق مۇددەلەرى تۋرالى كوزقاراسىمىزدى جەتكىزگىم كەلەدى», دەدى ق.توقاەۆ.
بۇدان سوڭ ول ءۇندىستاننىڭ پرەمەر-ءمينيسترى ءموديدى ايدىڭ وڭتۇستىك پوليۋسىنە تاياۋ جەرگە ۇندىستاندىق عارىش اپپاراتىنىڭ ءساتتى قونۋىمەن شىن جۇرەكتەن قۇتتىقتادى.