ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمدەۋىنشە كوشى-قون كوميتەتى «ەڭبەك رەسۋرستارىن دامىتۋ ورتالىعى» اق-مەن بىرلەسىپ سىرتقى ىستەر مينيسترلىگىنىڭ شەتەلدەگى كونسۋلدىق قىزمەتتەرىنىڭ وكىلدەرىنە «قانداس» اۆتوماتتاندىرىلعان اقپاراتتىق جۇيەسىن تانىستىردى. جۇيە قانداس مارتەبەسىن بەرۋ مەن «اتا جولى» كارتاسىن ۇسىنۋ قىزمەتىن كورسەتەدى, دەپ حابارلايدى Egemen.kz.
ءىس-شاراعا قىرعىزستان, پاكىستان, گرۋزيا, پولشا, رۋمىنيا, بەلارۋس, تاجىكستان, مولدوۆا, ازەربايجان, چەحيا, وزبەكستان, فرانتسيا, اۆستريا, ارمەنيا, ۆەنگريا, يران, ساۋد ارابياسى, ۇلىبريتانيا جانە بەرلين, ماينداعى فرانكفۋرت, بونن (گەرمانيا), ۆاشينگتون (اقش), استراحان (رەسەي فەدەراتسياسى), ىستانبۇل (تۇركيا) قالالارىنىڭ كونسۋلدارى قاتىستى. «قانداس» جۇيەسىنە بارلىعى 29 شەتەلدىك مەكەمە قوسىلادى.
وسى كۇندەرى اۆستريا, ۇلىبريتانيا, قىرعىزستان, تۇرىكمەنستان, تۇركيا, موڭعوليا جانە ماسكەۋ (رەسەي فەدەراتسياسى) كونسۋلدىقتارى جۇيەگە قوسىلسا, قالعان ەلدەر وسى اپتانىڭ اياعىنا دەيىن قوسىلىپ قالۋ كەرەك.
اتالعان باعىتتا جۇمىستار ءالى دە جالعاسادى.