تۇركىستان وبلىسىندا قۇتقارۋشىلار سىرداريا وزەنىنە باتىپ كەتكەن 11-ءشى ادامنىڭ ءمايىتىن تاپتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
«بۇگىن ساعات 14:56-دا سىرداريا وزەنىنەن 21 تامىزدا سۋعا باتقان قىزدىڭ ءمايىتى تابىلدى. بۇل كۇنى بارلىعى 11 ادام سۋعا باتىپ كەتتى, ونىڭ ىشىندە 8 كامەلەت جاسقا تولماعاندار بار», دەلىنگەن حابارلامادا.
وسى رەتتە ۆەدومستۆو قىزمەتكەرلەرى رۇقسات ەتىلمەگەن جەرلەردە شومىلۋعا بولمايتىنىن ەسكەرتتى.
ەسكە سالا كەتەيىك, تۇركىستان وبلىسىندا بولعان قايعىلى وقيعا تۋرالى اقپارات دۇيسەنبى كۇنى تۇندە جاريا بولدى. وتىرار اۋدانىنداعى سىرداريا وزەنىنىڭ جاعاسىنا ءبىر اۋلەتتەن تاراعان 4 وتباسى مۇشەلەرىنىڭ دەمالىسى قايعىمەن اياقتالدى. دەمالۋعا كەلگەن 20 ادامنىڭ 11-ءى سۋعا باتىپ كەتكەن.