كەشە پرەمەر-ءمينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ توراعالىعىمەن تۋريزم سالاسىن دامىتۋ ماسەلەلەرى جونىندە كەڭەس ءوتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەڭەس بارىسىندا وتاندىق ءتۋريزمنىڭ پروبلەمالىق ماسەلەلەرى تالقىلاندى.
ەلوردالىق تۋربيزنەس وكىلدەرى ۆيزالىق راسىمدەردى جەدەلدەتۋ جانە تسيفرلاندىرۋ, تۋروپەراتورلار مەن گيدتەردىڭ قىزمەتىن رەتتەۋ جۇمىسىن كۇشەيتۋ, تۋريزم سالاسىنداعى ينۆەستيتسيالىق جوبالاردى قولداۋ جونىندە ۇسىنىستار ايتتى.
سونىمەن قاتار چارتەرلىك باعدارلامالاردى سۋبسيديالاۋ جانە حالىقارالىق اۋە كومپانيالارىن تارتۋ ءتارتىبىن جەڭىلدەتۋ بويىنشا ۇسىنىستار ايتىلدى.
ءتۋريزمنىڭ ەكولوگيالىق اسپەكتىلەرىنە, ەكوجۇيەگە تۇسەتىن جۇكتەمەنى رەتتەۋگە جانە تۋريستىك ورىنداردا تازالىقتى ساقتاۋعا ەرەكشە نازار اۋدارىلدى.
كەڭەس قورىتىندىسى بويىنشا پرەمەر-ءمينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى ت. دۇيسەنوۆا مادەنيەت جانە سپورت مينيسترلىگىنە وسى ماسەلەلەردى بيىلعى جىلعى 15 قىركۇيەكتە اقتاۋ قالاسىندا پرەمەر-ءمينيستردىڭ قاتىسۋىمەن وتەتىن ءتۋريزمدى دامىتۋ جونىندەگى حالىقارالىق فورۋم اياسىندا تالقىلاۋ ءۇشىن دايىنداۋدى تاپسىردى.
ايتا كەتۋ كەرەك, تۋريزم سالاسىنىڭ ماسەلەلەرىن ورتاعا سالاتىن وسىنداي كەزدەسۋلەر الداعى ۋاقىتتا جۇيەلى تۇردە وتەدى.