استانادا پرەمەر-ءمينيستردىڭ ورىنباسارى – cاۋدا جانە ينتەگراتسيا ءمينيسترى س. جۇمانعارين پاكىستاننىڭ «TCS Logistics Private Limited» ءىرى لوگيستيكالىق كومپانياسىنىڭ نەگىزىن قالاۋشى جانە توراعاسى حاليد ناۆاز اۆانمەن كەزدەستى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
تاراپتار قازاقستان مەن پاكىستان اراسىنداعى ساۋدا-لوگيستيكالىق مۇمكىندىكتەردى دامىتۋ ماسەلەلەرىن تالقىلادى.
قازاقستان پرەمەر-ءمينيسترىنىڭ ورىنباسارى قازاقستاننىڭ وڭتۇستىك پورتتارعا قاراي ساۋدا-ەكونوميكالىق باعىتتارىن ءارتاراپتاندىرۋ بويىنشا جۇرگىزىپ جاتقان جۇمىستارى تۋرالى ايتىپ بەردى. پاكىستانعا/پاكىستان ارقىلى ەكسپورتتىق/يمپورتتىق ءونىمدى تاسىمالداۋ ماسەلەلەرى وزەكتى جانە بۇگىنگى تاڭدا جوعارى باسىمدىققا يە ەكەنىن اتاپ ءوتتى.
ءوز كەزەگىندە ح. اۆان ءوزى باسقاراتىن كومپانيانىڭ قىزمەتى تۋرالى ءسوز قوزعادى, ونىڭ كولىك-لوگيستيكا يندۋسترياسىنداعى وزىق تاجىريبەسىمەن ءبولىسىپ, قازاقستانمەن ارىپتەستىك ورناتۋعا مۇددەلى ەكەنىن ءبىلدىردى.
كەزدەسۋ قورىتىندىسى بويىنشا تاراپتار تابىستى ەكىجاقتى ىنتىماقتاستىققا ءۇمىت ءبىلدىردى.