ءورت سالدارىنان 39 جىل ەڭبەك ءوتىلى بار جەراستى ەلەكترشەبەرى قازا تاپتى, دەپ حابارلايدى Egemen.kz «ارسەلورميتتال تەمىرتاۋ»-دىڭ ءباسپاسوز قىزمەتىنە سىلتەمە جاساپ.
- «قازاقستان»شاحتاسىنداعى ءورت سالدارىنان كومپانيا قىزمەتكەرى, 1965 جىلى تۋعان ۆيتالي ۆلاديميروۆيچ سليۋنكوۆ (جەراستى ەلەكترشەبەرى, 5-رازرياد, ەڭبەك ءوتىلى - 39 جىل) قازا تاپتى. ءبىز مارقۇمنىڭ وتباسىنا قايعىرىپ, كوڭىل ايتامىز, - دەلىنگەن «ارسەلورميتتال تەمىرتاۋ» اق باسپاسوز قىزمەتى تاراتقان حابارلامادا.
اپات كەزىندە جەر استىندا 227 قىزمەتكەر بولعان. 222 ادام جەر بەتىنە جەدەل شىعارىلدى.
«قازىرگى ۋاقىتتا جەلدەتۋدىڭ دۇرىس رەجيمىن قالپىنا كەلتىرۋ جانە كەنشىلەرىمىزدى ىزدەۋدى جالعاستىرۋ ءۇشىن ءورتتى وقشاۋلاۋ جۇمىستارى جۇزەگە اسىپ جاتىر. ءبىز مارقۇمنىڭ وتباسىنا قايعىرىپ كوڭىل ايتامىز, ولارعا بارىنشا قولداۋ كورسەتەمىز», دەدى «ارسەلورميتتال تەمىرتاۋ» اق اتقارۋشى ديرەكتورى ۆيكتور گافيۋلوۆ.