گاۆاي ارالدارىنىڭ بيلىگى ماۋي ارالىنداعى ورمان ءورتى سالدارىنان قازا تاپقان 101 ادامنىڭ جەكە باسىن انىقتاپ جاتىر, دەپ حابارلايدى Egemen.kz The Guardian باسىلىمىنا سىلتەمە جاساپ.
ورماننىڭ كەيبىر ورتەنگەن جەرلەرى ءالى تولىق سوندىرىلمەگەن. 100-دەن استام ادامنىڭ ءومىرىن قيعان مۇنداي ءورت اقش-تا عاسىردان استام ۋاقىت تىركەلمەگەن.
قاتتى جەلدىڭ سالدارىنان ءورت لاحاينا قالاسىن شارپىعان. قىزىل جالىن 13 مىڭ تۇرعىنى بار قالانىڭ بارلىق عيماراتىنا تاراپ ۇلگەرگەن. ءورتتىڭ شىعۋ سەبەبى ءالى انىقتالىپ جاتىر.
اقش دەنساۋلىق ساقتاۋ جانە حالىققا قىزمەت كورسەتۋ دەپارتامەنتى كوز جۇمعان ادامداردىڭ جەكە باسىن انىقتاۋ ماقساتىندا پاتولوگواناتومدار مەن تەحنيكتەر توبىن, سونىمەن بىرگە تەكسەرۋ ۇستەلدەرىن, رەنتگەن اپپاراتتارىن جانە باسقا دا جابدىقتاردى جىبەردى.