قر پرەمەر-ءمينيسترى ءاليحان سمايىلوۆ استانادا رەسەي فەدەراتسياسى باشقۇرتستان رەسپۋبليكاسىنىڭ پرەمەر-ءمينيسترى اندرەي نازاروۆ باستاعان ۇكىمەتتىك دەلەگاتسيامەن كەزدەسۋ وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا ساۋدا, ونەركاسىپتىك كووپەراتسيا, اۋىل شارۋاشىلىعى, لوگيستيكا, تۋريزم جانە مادەنيەت سالالارىنداعى ىنتىماقتاستىقتىڭ وزەكتى ماسەلەلەرى تالقىلاندى.
ءاليحان سمايىلوۆ 2022 جىلدىڭ قورىتىندىسى بويىنشا قازاقستان مەن باشقۇرتستان اراسىنداعى وڭىرارالىق تاۋار اينالىمى بەلگىلى ءبىر ءوسىم كورسەتە وتىرىپ شامامەن $382 ملن قۇراعانىن اتاپ ءوتتى. بۇل رەتتە تاۋار اينالىمىن ودان ءارى ارتتىرۋعا جانە جەتكىزىلەتىن تاۋارلار تۇرلەرىن كەڭەيتۋگە الەۋەت بار.
سونداي-اق ۇكىمەت باسشىسى ونەركاسىپتىك كووپەراتسيا سالاسىنداعى بىرلەسكەن جوبالاردىڭ سانى ارتىپ كەلە جاتقانىن اتاپ ءوتتى. اتاپ ايتقاندا, بۇگىندە قوستاناي وبلىسىندا «ۋرالسكي پرۋجيننىي زاۆود» جشق-نىڭ ءوندىرىسىن لوكاليزاتسيالاۋ جۇمىستارى جۇرگىزىلىپ جاتىر. «باشكيرسكايا سودوۆايا كومپانيا» اق-مەن جالپى سوماسى شامامەن $716 ملن بولاتىن ەكى ءىرى جوبا بويىنشا ىنتىماقتاستىق ورناتىلۋدا.
«قازاقستان ۇكىمەتى باشقۇرتتىق كاسىپكەرلەرگە ينۆەستيتسيالىق جوبالاردى ىسكە اسىرۋدا قاجەتتى قولداۋ كورسەتۋگە دايىن», دەدى ءاليحان سمايىلوۆ.
بۇدان بولەك, پرەمەر-مينيستر قوستانايدا قازاقستان مەن رەسەيدىڭ وڭىرارالىق ىنتىماقتاستىق فورۋمىن جانە بيىل كۇزدە استانادا «يننوپروم قازاقستان» كورمەسىن وتكىزۋدىڭ ماڭىزدىلىعىن ايتىپ, باشقۇرتستان كاسىپكەرلەرىن اتالعان شارالارعا بەلسەندى قاتىسۋعا شاقىردى.
ءوز تاراپىنان اندرەي نازاروۆ قازاقستان مەن باشقۇرتستاننىڭ ايماقتارىن ءتۇرلى سالالارداعى كوپ جىلدىق تىعىز ىنتىماقتاستىق بايلانىستىراتىنىن اتاپ ءوتتى. سونىمەن بىرگە ونى ودان ءارى كەڭەيتۋگە جەتكىلىكتى الەۋەت بار.
ء«بىز قازاقستاندىق باعىتتا باشقۇرتستان ءۇشىن جانە جالپى ەلىمىز ءۇشىن, قازاقستان ءۇشىن دە ۇلكەن مۇمكىندىكتەر كورىپ وتىرمىز. سوندىقتان ءبىز قارىم-قاتىناسىمىزدى ءارى قاراي نىعايتىپ, جاڭا باعىتتار مەن دامۋ نۇكتەلەرىن قوسقىمىز كەلەدى», دەدى اندرەي نازاروۆ.