وسى جىلدىڭ باسىنان باستاپ ەۋرازيالىق ەكونوميكالىق وداق كەدەندىك شەكاراسىنىڭ قازاقستاندىق ۋچاسكەسىندە ورنالاسقان وتكىزۋ پۋنكتتەرىن جاڭعىرتۋ جانە تەحنيكالىق جەتە جاراقتاندىرۋ جونىندەگى جوبا شەڭبەرىندە قازاقستان-قىتاي شەكاراسىندا ورنالاسقان «باقتى» اۆتوموبيل وتكىزۋ پۋنكتىن قايتا جاڭارتۋ جۇرگىزىلۋدە, دەپ حابارلايدى Egemen.kz قر قم مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
جۇمىستاردى جۇرگىزۋ كەستەسى بويىنشا 2023 جىلعى 18-20 تامىز ارالىعىندا وتكىزۋ پۋنكتىنىڭ اۆتوموبيل جولى ارقىلى وتەتىن سىرتقى سۋمەن جابدىقتاۋ جەلىلەرىن توسەۋ جوسپارلانعان.
وسىعان بايلانىستى, كوميتەت جوعارىدا اتالعان جۇمىستاردى جۇرگىزۋ بارىسىندا اۆتوكولىك قۇرالدارىنىڭ جۇرۋىنە مۇمكىندىك بولماعاندىقتان, 2023 جىلعى 18-20 تامىز ارالىعىندا «باقتى» وتكىزۋ پۋنكتىنىڭ جابىلاتىنى تۋرالى حابارلايدى.
«باقتى» وتكىزۋ پۋنكتىنىڭ اشىلۋى 2023 جىلعى 21 تامىزدان باستاپ شتاتتىق رەجيمدە جوسپارلانىپ وتىر.