«اسسالاۋماعالەيكۋم, قۇرمەتتى دوستار, وتانداستار! حاكىم اباي اتامىزدىڭ مەرەيتويى قارساڭىندا ادەمى چەللەندج باستاعالى وتىرمىز. اباي اتامىزدىڭ ءدال مەن سەكىلدى جۇرەكتەرىڭىز قالاعان كەز كەلگەن شىعارماسىن جاتتاپ نەمەسە وقىپ, ءدال وسىلاي بەينەتاسپاعا ءتۇسىرىپ, جەلىگە سالىپ, تاراتاتىن بولساڭىزدار, چەللەندجىمىزدىڭ باستالعانى دەپ بىلەمىن», دەپ جازدى ءانشى Instagram پاراقشاسىندا.
ديماش قۇدايبەرگەن بەينەۇندەۋ بارىسىندا اباي قۇنانباي ۇلىنىڭ «عىلىم تاپپاي ماقتانبا» ولەڭىن جاتقا وقىدى.
«بۇل چەللەندجدى الەمدەگى بارلىق جانكۇيەرلەرىمە جانە ونەردەگى ارىپتەستەرىمە جولداعىم كەلەدى. ەلىمىز امان, جۇرتىمىز تىنىش بولعاي», دەپ ويىن اياقتادى ءانشى.
چەللەندجگە قاتىسۋ ءۇشىن ابايدىڭ كەز-كەلگەن شىعارماسىنان ءۇزىندى وقىپ, #abaychallange حەشتەگىمەن بەينە جاريالاۋىڭىز كەرەك.
ايتا كەتسەك, پرەزيدەنتتىڭ باستاماسىمەن 10 تامىزدا قازاقستاندا اباي كۇنى اتاپ وتىلەدى. بيىل ۇلى اقىن ءارى ويشىلدىڭ تۋعانىنا 178 جىل تولادى.