ىشكى ىستەر ءمينيسترى مارات احمەتاجانوۆ بوكسشى بەيبىت شۇمەنوۆ اقش-تا بولۋى مۇمكىن دەگەن بولجام ايتتى, دەپ حابارلايدى Egemen.kz.
ءمينيستردىڭ اۋتىنشا, تەرگەۋ ءالى جالعاسىپ جاتىر, سونىمەن قاتار سپورتشىعا ىزدەۋ جاريالانعانىن ايتتى.
سونداي-اق جۋرناليستەر بەيبىت شۇمەنوۆتىڭ ايەلىندە امەريكا ازاماتتىعى بار ەكەنىن العا تارتتى.
ايتا كەتەيىك, بوكستان بۇرىنعى الەم چەمپيونى بەيبىت شۇمەنوۆكە استاناداعى ساۋدا ورتالىعىندا بولعان وقيعادان كەيىن ىزدەۋ سالىندى.
وقيعا 2023 جىلدىڭ 18 ماۋسىمىندا بولدى. بالاسىن كوتەرىپ تۇرعان ەر ادامدى ۇرىپ-سوققان بوكسشىعا بۇزاقىلىق جاسادى دەگەن ايىپ تاعىلدى.